Spuntini (已結業)

星期五先知要當晚要出去食飯，打咗成10間餐都book唔到，最後揾到呢間餐廳，book到最後一張檯。之前都聽聞呢間餐廳ok，今次試過後都算合理，三百蚊per head，有飲酒。頭盤係14及30個月西班牙風乾火腿配硬芝士及果醬，火腿很有油香，正!之後係帶子、蝦三色青椒沙律，加香橙jelly底，presentation 好 colorful 同 rich，好睇，味度ok。主菜意大利香草雞同埋重覆咗少少嘅烤蝦脆魚。隻雞好有香草味，waiter落單時知道我地share，主動提議斬件上，細心抵讚。至於脆魚就一般。呢間餐廳裝修ok，燈光適中，服務唔錯。不過最攪嘢喺張menu，佢地絲帶卷埋到成文憑咁，打開後就'攣弓蝦米'咁，好難攤開嚟睇。