十三座牛雜 (已結業)

今年吃得最多的, 暫時是painkiller, 想起都覺得可憐。於是趁昨天考完試, 由寶馬山特地走路落北角, 為的只是一試好吃的牛雜。平常少到北角, 在馬寶道走了好幾轉才找到此店, 料不到正是新光行前幾步。五時多, 人頭湧湧, 很多放學的為食學生, 圍在一起吃燒賣魚蛋, 吃完講聲byebye。我先叫一串膀腸, 店內小姐用一鐵兜, 把牛雜盛在我面前。又想食腸粉, 叫了5元腸粉, 將牛雜加入腸粉內, 我的portfolio可真有"睇頭"。先吃我喜歡的牛膀, 做得不夠粉和淋, 麻麻地。腸有肥腸和小腸各一件, 見到肥腸的肥膏都興奮。一吃, 嘩! 牛脂的甘香興鹵水的濃醇為絕配。即刻加多一串淨肥腸。小腸就不比肥腸出色, 卻最吃得出鹵水的滋味。齋吃牛雜太寡, 伴腸粉就剛好。此"牛雜檔"是罕有的"企理"。一人一個鐵兜, 唔使整污糟條街之餘, 吃的人就不用狼狽。若果我住北角的話, 一定會時常光顧。