影片
更多
2006-02-18
38 浏览
今個新年,食得真係多,兩日一小餐,三日一大餐,幸好尚處盛年,依然頂得住,身型依舊,眾朋友同事問你個胃係咪用鐵做?)日前又有局,今次九龍城創發,小弟一向來者不拒,諗起之前兩興隻凍蟹,食指又再動.食友Cicely帶來的佳釀,往往另人驚喜,繼匈牙利白酒後,今次再黎捷克香檳,同匈牙利威士忌,唔使隻身坐飛機到德國,再轉廉價航空,或坐二等火車到東歐,單係呢個老友,已經好似當年憶蓮般,一隻碟內帶晒大家微笑撲巴黎,再出埃及採玫瑰..今夜講到明,唔會有鹵水鵝片,掌,肝等.有點失望,既然陀主有此一著,一定唔會老點大家.呢樣,我絕對信任.如果點菜果個係我,應該會比人媽叉到暈.花生豬腳,隻豬腳滑雪雪,啖啖肥膏,正.豉椒炒聖子,又係上桌無耐搶得最快菜式之一.很久未嘗血"UM",就算未到當做期,未到十全十美,一樣吃得痛快,過癮,身旁十四兄見到有點皺眉頭,唯有一路嘗試去催眠:質感同味道,似足法國Belon.血水其實係海水,連埋一起吞下,不知人間何世.凍蟹兩隻,反應似乎係陀主意料之外:點解去得咁慢?煙鴨,呢個又係非常之出色,煙燻得恰到好處,肉質慢慢滲出點煙燻味,一步步蠶蝕味覺.唔係一味死咸,好有層次感.有點似Bali
食友Cicely帶來的佳釀,往往另人驚喜,繼匈牙利白酒後,今次再黎捷克香檳,同匈牙利威士忌,唔使隻身坐飛機到德國,再轉廉價航空,或坐二等火車到東歐,單係呢個老友,已經好似當年憶蓮般,一隻碟內帶晒大家微笑撲巴黎,再出埃及採玫瑰..
今夜講到明,唔會有鹵水鵝片,掌,肝等.有點失望,既然陀主有此一著,一定唔會老點大家.呢樣,我絕對信任.如果點菜果個係我,應該會比人媽叉到暈.
花生豬腳,隻豬腳滑雪雪,啖啖肥膏,正.豉椒炒聖子,又係上桌無耐搶得最快菜式之一.
很久未嘗血"UM",就算未到當做期,未到十全十美,一樣吃得痛快,過癮,身旁十四兄見到有點皺眉頭,唯有一路嘗試去催眠:質感同味道,似足法國Belon.血水其實係海水,連埋一起吞下,不知人間何世.凍蟹兩隻,反應似乎係陀主意料之外:點解去得咁慢?
煙鴨,呢個又係非常之出色,煙燻得恰到好處,肉質慢慢滲出點煙燻味,一步步蠶蝕味覺.唔係一味死咸,好有層次感.有點似Balik的煙三文魚,一隻鴨,一條魚,原理一樣.
同樣頂級.
鵝腸,係全夜唯一有鵝的菜式,創發的鵝腸,肥美非常,比我吃慣七喜小廚,更加美味.石榴蝦,同石榴雞,其實相同,只係雞同蝦的分別.好講功夫的一味,當然,要逐隻計錢.
其他菜式,不再多講,留比大家交待,小弟唔係渣流攤,而係墨水開始唔夠,有心無力.
陀主的燒酌,惡男兄飲後大叫好,對我就當俄國佬生命之水咁飲,Cicely的捷克香檳,又諗起上年電影節,有套捷克電影Czech Dream,真人真事真人show,超市掃貨之狼死眾生相,同是夜眾食友對待潮州菜式相若.
之前講果支匈牙利威士忌,帶有啤梨味,等於一個在布達佩斯街的美女,向你招手一樣,最後不能自拔...糖衣毒藥,此言非虛.燒酌,加埋此甜心,自身感覺,Sinking slowly...(注)
第朝Hangover,意料中事.無論點,食得高興,飲得盡慶,多謝晒攜酒的朋友.
(注)匈牙利音樂人Yonderboi舊歌,非常貼題.回家囉番呢隻碟黎聽,非常適合微醉的時候欣賞.飲完匈牙利酒,聽番匈牙利音樂去"療傷".何其巧合.
张贴
