94
29
52
| 餐厅: | 創發潮州飯店 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
以上资料只供参考，请与餐厅确认详情
九龙城创发潮州菜可算是潮州菜中的老字号，屹立九龙城多年，以住的韩江、陶芳已没有了，近年一些老字号店舖也买少见少，所以也多专诚惠顾多些，此店多年前已开始惠顾，当年可算是人头涌涌，自然招呼麻麻，近年少了人，招呼也热诚了不少，店员例牌问要唔要鱼呀之类，当然唔理佢😄枱面2碟小食也叫取走不要，先上来功夫茶，这里是没有餐牌的，菜式都写贴在墙壁，一贯的点了最爱的胡椒猪肚汤，胡椒味浓，材料丰富，猪肚、猪粉肠均咬口适中好味，炸蚝饼，松脆、蚝仔多，配鱼露，恰到好处，美味，百吃不严，再来碗清心丸绿豆爽，甜度适中，清新。 吃完再来功夫茶，埋单200大元，不贵，似乎没有加一，值得再来。
继续阅读
试吓去九龙城食间老字号嘅潮州菜馆，首先所有食店都要服务、态度、食物好食等等等等去配合，我写食评之前都睇见有好多负评… 原来此言非虚😂😂😂其实我写食评都算中肯瓜，就算服务周边好有问题，唔会话佢d 野唔好食，好食就系好食…咁我点左4 样嘢都ok 嘅….但有几样野系有问题：一，价钱真的贵了点；二，食物价钱要人客问或冇讲；三，staff 硬sale 贵野；四，食品份量少叫左个唔知乜鱼的烙😂， 墨鱼拼鹅肝，猪肚汤，芋泥…. 全部都其实算几好食的… 但个姐姐初初硬sale 海鲜，和对话落单过程冇话d price ..个XX鱼烙几好食，够香内有其他配菜，配合啱啱好，又唔太油。猪肚汤好香好味，做得好好，但一碗份量⋯⋯墨鱼鹅肝好味但太少，芋泥发挥正常，唔太死甜👍不过只此一次，已经不是几廿年的老字号手法了，好似一间hard sell for 游客的食店咁。但嘢食算ok 嘅….就咁依d普通嘢埋单都$600😂
继续阅读
九龙城呢间老字号潮菜馆，三十几年前已经有去，以前就算订咗枱都随时要门口等一个钟头，但系10多年前开始已经好少见到有人喺门口排队，究竟系点解呢？其实佢嘅口味系真系正宗嘅，不过食物质素，服务态度真系越做越差，收得贵都唔系问题，当啲客系傻仔先至衰。十几年前试过喺创发食响螺炒片，$1500+一只响螺，唔知系咪见我人少得三个人，仲要有两个老人家所以名恰我，炒出来只系得五小片响螺，问个伙计，佢仲好串大大声话响螺系剩系得个壳重，切出嚟系得咁少。虽然我唔系咩富贵人家，但系响螺我都唔系第一次食，斤几一只响螺，只系起到五少薄片响螺肉，都应该只有创发先咁离谱。自此其实已讲过唔再去创发。今日揸车经过九龙城，突然想起创发嘅花生猪尾，呢啲平价旧式潮州菜已经好少有地方有得食，所以胆粗粗入去创发谂住买个外卖花生猪尾加𩠌，因为我赶时间，连加热都叫个伙计不用，$80蚊一盒一啲都唔贵，我见个伙计好快手，仲谂住俾个like佢，好彩临走前打开望一望，原来一盒花生猪尾，得三旧，超过80%个盒都系装花生。我当然即刻又问个伙计，佢今次仲搞笑，大大声话「唔会㖞，我明明数着有五粒㖞」，原来$80一盒嘅猪花生猪味只系得五粒，仲要有两嚿得指甲咁上下大都计数，唔怪之得你会用「粒」来形容唔系用「嚿」啦😂我衰有老花，真系细到睇唔到，所以最尾我摆返低盒嘢，$80豪比你，呢间餐厅我食唔起，咁嘅服务态度，令我觉得好似返咗香港七八十年代，啲舖头呃得就呃，只有傻仔先至会去！
继续阅读
创发在九龙城也是有五十多年历史, 和乐口福也是区内潮州菜的历史名店, 和后者最大分别是后者走传统的潮州酒楼老师, 而前者则是更为平民化的打冷风格, 有麻雀虽小五脏俱全的冷档, 从卤水菜式到冻海鲜也有提供. 除了冷档外, 我觉得最经典的是韭菜粿, 煎得香脆咬下去, 依然保持烟靭的口感, 内里就是纯粹的韭菜, 澎湃得会流出来, 吃完口腔依然停留着韭菜的辛香, 是另类的指甲留香.两个人吃的关系没有点冻海鲜, 其他传统潮州菜的美食, 处理得我觉得还可以, 比很多食评说的来得OK. 特别是炸物拼盘的炸芋头角及糯米块, 炸得很酥脆, 最重要是吃潮州菜的炸物, 一定要加上酸酸甜甜的桔油, 比起点泰式辣酱来得更配合. 另外咸菜胡椒猪肚汤, 胡椒味够浓咸菜味够香, 和现在兴起的酸菜鱼有很大分别, 后者酸比咸重, 前者则是纯粹的咸香, 除了猪肚外也有我最爱的猪粉肠, 胆固醇万岁! 另一度胆固醇万岁的名物, 就是卤水拼盘里的鹅肝和鹅肠, 鹅片就留给老婆, 自己就好好享用最邪恶的美味!
继续阅读
入到去，冇餐牌，冇价钱，谂住都系一般潮州嘢，于是叫咗一只最细嘅冻蟹，同埋几碟𩠌，味道一般，份量比其他店少，埋单睇一睇张单，$1340，差少少以为自己睇错。再睇清楚，原来𠮶只细细只嘅冻蟹，居然收$800 ，仲要行出柜位见佢喺原有价钱外边贴咗另一个价钱，写住每两$70。店员听到我对冻蟹既价钱有疑惑，继续同我讲$800已经系最细最平𠮶只，如果大少少，要$2000至到$2500。我想讲$2500系差唔多可以食到一只大大只嘅阿拉斯加长脚蟹。虽然冇得比较，唯有比大家参考参考。搞掂。
继续阅读