必勝客 (已結業)

自從apm 開左之後, 帶旺左成個觀塘區既食市, 特別假日, 四圍都要等位, 都唔知係好事定壞事了~~ 幾個月前去同一個地方食pizza hut, 同今次感覺完全不同.我地係昨晚去食, 去過既人都知道呢間pizza hut 既門口係好細, 樓上又有另外2間餐廳, 好多人等位, 又沒有冷氣, 等得好辛苦.. 等左好一陣子先可以入去, 好彩我地係等位既時候已經計劃叫d咩…一坐低, 我地搵左個經理幫我地寫單, 過程好似好順利, 咁我地開始等食物…由於等位既時候好熱, 好需要一杯冰凍既飲品, 通想杯野飲係好快來到的, 不過, 等左好耐先黎, 但係唔齊單, 仲要催左幾次先齊, 開始無咩胃口, 之後到湯, 又係錯既, 又係要催左幾次先到齊, 食左一等, d 野未到齊, 有職員問我地到齊未, 我地當然話未啦, 又等左好耐先齊哂所有食物. 都唔知係個經理落錯單定係點!!!!　有點失望…但係d 服務員都好有笑容, 不會太黑面…但係, 呢間pizza hut 既冷氣係非常不足夠的, 一路食一路都好熱, 可能佢地好耐未試過咁旺場, 再加上出面好熱. 搞到我地係好冇胃口咁食, 最後係打包左好多野返屋企