Cafe Library by Espuma (已結業)

本身喺附近嘅餐廳等位等到傻咗 咁啱見到呢一間以粉紅色作為主題少女心勁重嘅Cafe開咗 而又唔多人排隊 所以就入咗去試吓啦 但係打卡應該都值回票價一入到去的而且確見到無論係小朋友少女都好 任何年齡都係喺度影緊相 當時我係喺度同朋友食下午茶 叫咗杯Cocktail 一個木魚海鮮pizza 仲有士多啤梨雪糕窩夫🧇杯cocktail酸酸地然後都有少少酒精嘅味道 但係整體都唔難入口 微微有小清新 有種海洋嘅感覺 木魚海鮮pizza嘅皮唔算太脆 薄皮 不過略嫌有少少實 其他嘢都係出面一般嘅水平冇乜特別嘅地方講到底個價錢都係比喺裝修同打卡嘅份上 至於窩夫就應該係最安全冇得輸嘅嘢其實都係將一斤雪糕放落去然後再攞啲已經整好嘅窩夫焗出嚟 😂