PHO 24 (已結業)

沙田區好少有越南餐廳。知道新城市廣場嘅Pho24開咗之後，更係第一時間去食啦。聽聞呢間越南餐廳係好多外國國家都有分店，所以我唸呢間餐廳啲嘢食一定唔錯。點知...原來佢都係一間令人失望的"一次性餐廳", one-time restaurant。我叫咗一碟豬扒碎米飯，我阿媽就叫咗個生牛肉粉。個牛肉粉好普通，啲湯比較清，無乜味。雖然我唔係食家，但係一碗好嘅越式牛肉粉嗰湯底唔係應該有濃濃香甜骨味咩？我碟豬扒飯終於到嘞。依?點解係普通白飯唔係碎米飯嘅?我問侍應哥哥，侍應哥哥好怏就答話呢啲就係碎米飯囉。我阿媽嘗試用佢去過越南旅行同佢"咁"多年來飲食知識嚟講比阿侍應哥哥知可為碎米飯。過咗一陣有個侍應姐姐過嚟同我阿媽話:餐廳有從越南訂咗啲碎米飯，過啲質素唔好所以無用。哦! 原來如此。如果呢嗰菜式無供應，你就應該係餐牌到取消出嚟啦！到人客嚟柯打要呢嗰菜，嗰侍應又無講比人客知無呢樣嘢喎。堂堂一間國際連鎖餐廳，又係剛剛係香港開分店。唉....作為一間食肆，食物質素因然重要；但前線員工嘅服務態度及對食肆所提供菜式的認識都非常重要。