Petite (已結業)

买咗 Petite 嘅团购。位置好方便, a short walk from 太子 MTR, 好容易揾。装修时尚, 好新净, 坐得舒服。侍应系年青全男班, 服务态度良好!但系一上菜就出事喇! 先尼香槟, 从未见过咁少汽嘅香槟; 比平价嘅 sparkling water 仲要少汽嘅香槟, 你见过未? 色泽好淡, 味亦淡; put it this way, 佢唔讲你唔会觉得系香槟啰!!跟住嘅食品, 全部份量缩晒水, 同团购网上照片颇有距离, 差别最大嘅系 pizza, 网上照片嘅 pizza 系用圆形铁盆盛载, 但真正奉客嘅 pizza, 系几片正方形 2吋 x 2吋, 有如瓦通纸皮嘅嘢, 同网上照片差天共地!!此外, 煎或炸嘅食品都有同一问题 (包括上述 pizza), 颜色深啡, 干晒, 甚薄, 口感好硬, 冇乜味, 用瓦通纸皮去形容, 相去不远, 可能系煎、炸时间过长所致!! (注 : pizza 通常唔应该系煎或炸嘅, 但系上述 pizza 有煎或炸过).结论 : Petite 住置方便, 装修时尚, 坐得舒服, 服务良好, 但食品份量同质素需改善!!