The Oyster House (已搬遷) 新店位置

男朋友話想食生蠔好耐，今日嚟咗呢間我哋講咗好耐想試嘅The Oyster House到食晚餐。首先我哋叫咗三款生蠔。Krystale 肉身就偏薄少少，但蠔味未夠重亦富有好多海水味。Rollex食落去比較清爽，海水味唔會太重。Irish Rock 就應該比較多人食過，夠creamy，都算係今日三款裏面最厚身嗰隻。喺熱盤方面，今日就同男朋友分別每人嗌左一個蠔湯同蘑菇湯。我就好自私飲咁自己飲晒成碗蠔湯，每一啖都好似食咗10隻蠔咁樣好濃沃嘅蠔味，好滿足。至於蘑菇湯其實都唔錯，好肯定係攞好多新鮮蘑菇嚟打成嘅，忌廉嘅比例亦唔會過多搞到好似好奶咁。另外嗌咗一個烤豬鞍做主菜。作為烤豬肉來講，唔會太韌，好有肉汁。加上佢骨位同側邊仲有啲脂肪位，所以食落唔會太dry。而且佢調味啱啱好，唔需要自己另外再加任何調味料。然後配菜有薯蓉，好肯定唔係用粉開出嚟嗰隻，因為仲食到薯仔粒。今日我哋去只係普通一個Weekday晚上黎食，但係都全場爆滿，建議大家如果黎食嘅話記得訂位。