影片
更多
2020-10-08
4327 浏览
今日難得放假，原本想瞓耐少少，但女友安排左節目，咁當然要早起啦，中午係灣仔，所以就決定係附近食野，最後決定去間叫The Oyster House食西餐，見到佢個午餐set lunch 唔錯，重點有生蠔，所以就試試。入到去人唔多，所以唔洗等位。我地叫左兩個set lunch，包餐湯或沙律、主菜、一杯無酒精飲料、同埋一份甜品，再加配2份生蠔，每份3隻。首先係生蠔先上枱，望落幾新鮮，入口爽口，唔算好creamy，但超濃郁海水味，如果鐘意濃味生蠔既絕對喜歡，我本人就一般，比較喜歡creamy口感多啲，但的確十分新鮮，唔錯。之後到餐湯餐包沙律，雖然上枱後望落都係正常西餐廳食物，但係食落反而有驚喜，特別係西蘭花忌廉湯，佢將西蘭花打到碎晒口感勁綿滑，味道比例啱啱好，推介。跟住就到主菜，我分別叫左三色甜椒忌廉汁海蝦燴意大利扁意粉、香烤羊排伴精選配菜，意粉先上枱，擺碟唔錯，望落去幾吸引，當然相機食先，味道的確甜甜地，唔算好膩，海蝦己經去左大半殼，所以好方便就食到，幾鮮甜唔錯，扁意粉煮得剛好，唔會太硬太軟，味道雖然同想像中有出入，但又估唔到幾特色，可一試。意粉剛食完，香烤羊排就上枱，賣相唔錯，望落份量都幾
今日難得放假，原本想瞓耐少少，但女友安排左節目，咁當然要早起啦，中午係灣仔，所以就決定係附近食野，最後決定去間叫The Oyster House食西餐，見到佢個午餐set lunch 唔錯，重點有生蠔，所以就試試。
入到去人唔多，所以唔洗等位。我地叫左兩個set lunch，包餐湯或沙律、主菜、一杯無酒精飲料、同埋一份甜品，再加配2份生蠔，每份3隻。
首先係生蠔先上枱，望落幾新鮮，入口爽口，唔算好creamy，但超濃郁海水味，如果鐘意濃味生蠔既絕對喜歡，我本人就一般，比較喜歡creamy口感多啲，但的確十分新鮮，唔錯。
之後到餐湯餐包沙律，雖然上枱後望落都係正常西餐廳食物，但係食落反而有驚喜，特別係西蘭花忌廉湯，佢將西蘭花打到碎晒口感勁綿滑，味道比例啱啱好，推介。
跟住就到主菜，我分別叫左三色甜椒忌廉汁海蝦燴意大利扁意粉、香烤羊排伴精選配菜，意粉先上枱，擺碟唔錯，望落去幾吸引，當然相機食先，味道的確甜甜地，唔算好膩，海蝦己經去左大半殼，所以好方便就食到，幾鮮甜唔錯，扁意粉煮得剛好，唔會太硬太軟，味道雖然同想像中有出入，但又估唔到幾特色，可一試。
意粉剛食完，香烤羊排就上枱，賣相唔錯，望落份量都幾多，食落比想像中好食，羊排烤得剛好，大約接近七成熟，肉質鮮嫩，又唔羶，唯一美中不足係好多肥膏，雖然入口即溶，但太多都有少滯，所以大部份肥膏都切走左，不過總括黎講都滿意，推介。
173 浏览
0 赞好
0 留言
127 浏览
0 赞好
0 留言
98 浏览
0 赞好
0 留言
84 浏览
0 赞好
0 留言
64 浏览
0 赞好
0 留言
60 浏览
0 赞好
0 留言
张贴
