影片
更多
2015-08-26
4429 浏览
食评之前先讲讲入座安排，真系非常差！一早打电话想book位，唔接受，冇所谓啦，walk in 都ok嘅。但等位嘅场地相当细同窄，而且又位于lift口位，加上人流愈来愈多，真系相当挤逼！行到有问题。空气唔流通搞到好焗，就算拎左飞，都要呆企成粒钟，呢个真系一个好大嘅考验！希望店主尽快去解决安排入座问题之余又可以疏导人流呢个问题，否则令客人因为等位而鼓燥，系件好得不偿失嘅事。除安排入座问题外，店内环境几舒适，加上灯光嘅配合，令人好放松。店员好nice好好笑容，由其帮我地落单𠮶位oppa,so cute~餐牌食物款式唔多，嚟嚟去去都系得𠮶几款，但每款都可以俾到惊喜，系件好难得嘅成功！柚子米酒，酒精度唔高，同啤酒浓度差唔多，但相当易入口，完全唔觉得自己饮紧米酒，因为闻唔到强烈嘅酒精味，反而系好清香嘅柚子甜香，味道好出色，令人忍唔住一饮再饮！好正！！芝麻叶吞拿鱼饭卷，一口一卷，甜甜地，唔错！原味炸鸡&蒜香炸鸡，原味鸡炸得啱啱好，外脆内软，肉味调得啱啱好，而且唔会觉得油腻！可点附上嘅调味酱芥末、甜辣、酱油或沙爹，但我觉得就咁食亦可以，加点其他酱则有多几番滋味。蒜香𠮶款系意想唔到嘅，蒜味唔算太重，所以
食评之前先讲讲入座安排，真系非常差！一早打电话想book位，唔接受，冇所谓啦，walk in 都ok嘅。但等位嘅场地相当细同窄，而且又位于lift口位，加上人流愈来愈多，真系相当挤逼！行到有问题。空气唔流通搞到好焗，就算拎左飞，都要呆企成粒钟，呢个真系一个好大嘅考验！希望店主尽快去解决安排入座问题之余又可以疏导人流呢个问题，否则令客人因为等位而鼓燥，系件好得不偿失嘅事。
除安排入座问题外，店内环境几舒适，加上灯光嘅配合，令人好放松。店员好nice好好笑容，由其帮我地落单𠮶位oppa,so cute~
餐牌食物款式唔多，嚟嚟去去都系得𠮶几款，但每款都可以俾到惊喜，系件好难得嘅成功！
柚子米酒，酒精度唔高，同啤酒浓度差唔多，但相当易入口，完全唔觉得自己饮紧米酒，因为闻唔到强烈嘅酒精味，反而系好清香嘅柚子甜香，味道好出色，令人忍唔住一饮再饮！好正！！
芝麻叶吞拿鱼饭卷，一口一卷，甜甜地，唔错！
原味炸鸡&蒜香炸鸡，原味鸡炸得啱啱好，外脆内软，肉味调得啱啱好，而且唔会觉得油腻！可点附上嘅调味酱芥末、甜辣、酱油或沙爹，
但我觉得就咁食亦可以，加点其他酱则有多几番滋味。蒜香𠮶款系意想唔到嘅，蒜味唔算太重，所以唔使怕太重口味，味道反而有啲似蜂蜜，甜丝丝～好味！加上伴上嘅薯条同脆薯，洒上香浓嘅芝士粉，又一享受！系觉得啲鸡份量少左啲啰⋯海鲜饼，感觉有啲似中式年糕，呢个反而最平凡，冇咩特别，但味道都ok嘅～
芝士肋骨，全晚重点之作！
整盘上台已经够晒震撼，仲有专人代处理，好窝心！边位有芝士乳酪栗米，芝士好烟韧，同粟米配埋一齐真系好夹，特别香甜。
韩国鸡蛋卷，口感有啲似玉子豆腐，好滑，但质地上又有啲实同有啲韧，食少少都ok,但唔多啱我口味。
泡菜自家制？好似咸咗啲啲⋯同平时食开𠮶啲有啲唔同，水份冇咁高，干咗啲。
番薯蓉，原以为系普通薯蓉，番薯蓉味道浓，甜度有如食甜品！like!
重点返到嚟中间嘅肋骨同韩国年糕！
肋骨小辣，肉质松化，味道浓厚，卷上浓密程度特高嘅芝芝芝士！哗！好邪恶呀！芝士味反而相当淡，唔中意食芝士嘅朋友都可以一试，芝士嘅牵拉度超高，芝士丝可以拉到好长都唔会断！
就算放咗入口，韧度仍然好强，可以嚼好耐都仲继续嚼⋯好抵食下㖞！最后系一个后加嘅自己制饭团，呢个重点系食得又玩得！乐趣甚高哦。
张贴
