影片
更多
2023-08-03
203 浏览
數一數二最差體驗呢間cafe員工服務全部都好差同朋友各買左杯雪糕，首先Counter落Order個女仔，冇笑容都算，我有禮地同佢講要咩味雪糕，我聽到佢落錯單，再有禮地同佢重覆講：「一個奶茶味杯裝，一個兩溝筒裝」，但佢態度好差問：「咩呀」，然後我再重覆多次…咁簡單既落單都聽唔到楚，唔緊要，但黑面皺眉地對客人咁既反應，態度無法接受。之後打算拎入cafe食，當時只得1個食客，全部都係位。我地一坐低，就有個中年女人黎趕我地走話堂食有每人最低消費$60。但我地比錢時，Counter冇寫有最低消費，落Order個女仔又冇講，原來只係得cafe門口好細隻字寫。但呢間係cafe / coffee shop形式，相信10間有9間呢類Cafe都係比完錢買飲品/食物後拎入去食， 試問有邊個會留意餐廳門口有冇寫最低消費，就算係，都應該係Counter再清楚寫番堂食有最低消費，唔果唔寫，比錢時都應提點。因為指示唔清楚，我地同個女人理論，話最多我地一食完雪糕即刻走，況且當時全間店得1個人！！！但佢都係要趕走我地，仲話「因為堂食貴D，如果個個好似你地咁，就搞唔掂。」之後我地建議佢地Counter要寫番清楚有最低消費
同朋友各買左杯雪糕，首先Counter落Order個女仔，冇笑容都算，我有禮地同佢講要咩味雪糕，我聽到佢落錯單，再有禮地同佢重覆講：「一個奶茶味杯裝，一個兩溝筒裝」，但佢態度好差問：「咩呀」，然後我再重覆多次…
咁簡單既落單都聽唔到楚，唔緊要，但黑面皺眉地對客人咁既反應，態度無法接受。
之後打算拎入cafe食，當時只得1個食客，全部都係位。我地一坐低，就有個中年女人黎趕我地走話堂食有每人最低消費$60。但我地比錢時，Counter冇寫有最低消費，落Order個女仔又冇講，原來只係得cafe門口好細隻字寫。
但呢間係cafe / coffee shop形式，相信10間有9間呢類Cafe都係比完錢買飲品/食物後拎入去食， 試問有邊個會留意餐廳門口有冇寫最低消費，就算係，都應該係Counter再清楚寫番堂食有最低消費，唔果唔寫，比錢時都應提點。
因為指示唔清楚，我地同個女人理論，話最多我地一食完雪糕即刻走，況且當時全間店得1個人！！！但佢都係要趕走我地，仲話「因為堂食貴D，如果個個好似你地咁，就搞唔掂。」之後我地建議佢地Counter要寫番清楚有最低消費，個女人都認佢地間店寫得唔清楚，話：「我地都已經有叫Counter 員工係客人比錢前提醒堂食有最低消費，不過佢地成日唔記得，同埋要睇清楚指示都係客人責任。」 當時收錢個女仔都在旁，仍然擺出一副黑面表情。
即係所有野寫得唔清楚，甚至員工認同係佢地問題，但最終都以「店鋪規矩」同「個客責任」為由，趕我地走，連比我地坐低食3分鐘雪糕即走都唔容許，真係毫無道理至極………………
张贴