Antidote

营业中

休息中

北角有間型格韓國餐廳，職員全韓國人，仲有幾個Show曬肌肉嘅韓仔，喺香港好少見，有唔少客人食完飯之後都Request同佢哋影相，真係忍唔住笑咗🤣 食物方便除咗有鍋物之外亦有飯麵小食等供應，價格合理，經過可以一試。前菜款色豐富，可以無限Refill，只怕大家食唔飽。私心推介明太子油蕎麥麵，面頭有一大嚿明太子，仲有蔥花、溫泉蛋等，配料十足，拌埋一齊食，麵條入口滑溜，調味適中，越食越上癮，性價比高。另有雞刀削麵，雞絲好多，兩個女仔難啲食得曬，味道清淡，健康之選。小食方面會推芝士薯仔煎餅，超厚，夠足料，炸粉薄身，入面滿滿薯仔絲，咬落外層酥脆，內裏飽滿，配上芝士，正。泡菜煎餅帶微微辣，同樣份量多。而醬油炸雞就正常發揮，啖啖肉，最緊要撈勻下面嘅醬汁先至夠味。