Mokumoku Yakiton (永光商業大廈)

营业中

休息中

朋友仔生日去咗食串燒慶祝😛呢間串燒店超人氣，一定要暴食😀✌🏻我留肚餓左成個下午先去食，入面裝修好靚，日本風格居酒屋🏮佢哋有好多特別嘅豬部位都可以食到。只要係OpenRice 2-3人以上訂枱配送人頭鮑魚，4人以上送燒魚。晚上時段部份串燒做緊半價優惠，所以真係好抵食。日本蕃茄 $28清甜又多汁嘅蕃茄，蕃茄好大上面有蒜、蔥酸酸甜甜好開胃。刺身盛分別有三文魚腩、牡丹蝦和帆立貝，件件厚切新鮮鮮美😀西班牙黑豚肩肉本身以為黑豚會好鹹，食落鹹香肥瘦相間，脂肪味道香濃，肥而不膩，有口感。西班牙夾心肉柔軟鮮嫩，配上少少脂肪，油花愈嚼愈香。西班牙黑豚豬頸肉串 肥瘦混雜，油花分布均勻😛勁有咬口。豬心串軟腍但有嚼勁，加上七味粉燒，幾香。豬大腸平時都比較少食內臟，佢哋呢個燒得好脆，猛火燒烤逼出多餘油脂，減輕左油膩感覺。入口帶咬口，鹹鹹地幾好食。豬腰咬開係粉嫩，外層燒得焦脆。蘆筍豬肉卷脆香的豬肉卷著蘆筍，蘆筍非常之嫩口，豬肉烤至微焦，帶點微辛。