魚泉日本料理鐵板燒 (已結業)

自己本身好中意團購呢啲著數野,因為可以平價試新野, 前排見到openrice有魚泉的二人晚餐coupon,所以就同男朋友試下先講環境,呢度雖然好近時代廣場, 但係唔算好多人, 一入去個時會有人打鼓招呼, 入面坐得都幾舒服, 有蠔吧同鐵板燒區, 不過我地就坐番普通位算啦至於個套餐有刺身沙律、三文魚手卷、季節魚薄切、鐵板芝士龍蝦、羊架、烏冬、湯等等, 刺身都幾新鮮。其實本身都唔對三文魚手卷有好大期望, 又唔係咩特別野, 不過食落覺得紫菜仲好脆, 而D壽司醋份量都適中, 而三文魚同刺身都一樣咁新鮮不過成個餐我最鍾意係龍蝦用羊架! 雖然我地唔係坐係鐵板燒區, 但係一直都聞到好大陣香味, 本身已經流晒口水, 黎到之後發現龍蝦同羊架都燒得剛剛好, 芝士好香, 而龍蝦亦都好彈牙添! 至於羊架配上山葵醬真係唔錯, 平時都係配開薄荷醬先敢食, 怕蘇, 但原來山葵醬都幾好! 另外個烏冬都唔錯, 本身始終鐵板燒都有D熱氣, 好在呢個烏冬比較清, 但係味道又OK最後就可以揀餐飲或者甜品, 如果兩樣都有就最好成個餐其實都真係幾好食, 試到唔同ge野食, 不過男朋友就覺得唔係好夠食! 如果份量多D會好D