影片
更多
2021-05-23
55 浏览
今晚點咗廚師發辦25點套餐 ($1280)，我哋坐Bar枱可以全程睇住師傅烹調同埋方便講解每一道菜。 靜岡水茄師傅介紹呢款茄子可以當水果咁食，味道清新。 蓴菜蟹肉蓴菜係一種湖泊植物，口感好滑，配埋酸酸甜甜嘅柚子汁，以及蟹肉嘅海水鹹味，開胃之餘十分鮮味。 蟹膏豆腐豆腐好滑，帶住淡淡豆味，配上蟹膏同魚子醬，鹹鮮味好突出。 淡路島池魚池魚切成細條，再配上紫蘇花、青蔥等配料，魚味濃郁甘香，肉質嫩滑。 北海道大溝貝師傅將大溝貝分兩部份上，貝身肉質好滑好鮮甜，裙邊就爽口彈牙。 天草間八魚海膽卷間八魚味道清甜，師傅將魚薄切，再捲咗海膽晌裡面，一啖放入口，咬開感受到濃濃嘅海膽甜味，兩者配合得好好。 北海道鹽燒白貝白貝好大隻，簡單鹽燒，已經食到白貝嘅鮮味，連汁都飲埋。 北海道鮫鰈魚壽司鮫鰈魚嘅肉質好有彈性，師傅晌魚肉上面加咗肝醬，令呢道菜多咗一種濃郁嘅鮮味。 活赤貝壽司赤貝肉質爽口，食得出好新鮮，再配上酸柑汁，更加清新。 地金目鯛壽司相比一般金目鯛油份較高，師傅再炙燒令更多油脂釋出，魚皮亦帶少許焦香，加上肉質肥美，令人感覺滿足。 海膽湯葉湯葉即是鮮腐皮，豆味很重，配
靜岡水茄
師傅介紹呢款茄子可以當水果咁食，味道清新。
蓴菜蟹肉
蓴菜係一種湖泊植物，口感好滑，配埋酸酸甜甜嘅柚子汁，以及蟹肉嘅海水鹹味，開胃之餘十分鮮味。
蟹膏豆腐
豆腐好滑，帶住淡淡豆味，配上蟹膏同魚子醬，鹹鮮味好突出。
淡路島池魚
池魚切成細條，再配上紫蘇花、青蔥等配料，魚味濃郁甘香，肉質嫩滑。
北海道大溝貝
師傅將大溝貝分兩部份上，貝身肉質好滑好鮮甜，裙邊就爽口彈牙。
天草間八魚海膽卷
間八魚味道清甜，師傅將魚薄切，再捲咗海膽晌裡面，一啖放入口，咬開感受到濃濃嘅海膽甜味，兩者配合得好好。
北海道鹽燒白貝
白貝好大隻，簡單鹽燒，已經食到白貝嘅鮮味，連汁都飲埋。
北海道鮫鰈魚壽司
鮫鰈魚嘅肉質好有彈性，師傅晌魚肉上面加咗肝醬，令呢道菜多咗一種濃郁嘅鮮味。
活赤貝壽司
赤貝肉質爽口，食得出好新鮮，再配上酸柑汁，更加清新。
地金目鯛壽司
相比一般金目鯛油份較高，師傅再炙燒令更多油脂釋出，魚皮亦帶少許焦香，加上肉質肥美，令人感覺滿足。
海膽湯葉
湯葉即是鮮腐皮，豆味很重，配上紫海膽，味道又滑又甜，兩種食材都係重點。
北海道牡丹蝦
師傅將蝦嘅每一部份都呈現晌食客眼前，蝦身起肉之後，上面放咗蝦膏、蝦籽，蝦膏呈深啡色，蝦籽呈粉藍色，賣相十分吸引。蝦肉好厚身，亦都好彈牙。
島根春香岩蠔
岩蠔極之肥美，有手掌咁大，屬於海水味較重嘅類別，又係一滴汁都冇剩。
石鯛壽司
師傅加咗柚子胡椒，食起上嚟有少少辣味，幾特別。
富山灣白蝦壽司
呢款壽司由好多白蝦肉堆砌而成，蝦肉呈乳白色，再灑上柚子鹽，口感綿滑。
對馬島赤鯥壽司
赤鯥魚肉豐滿柔嫩，油脂豐富。
北海道根室馬糞海膽
師傅以青瓜舖上海膽，簡單的配搭完全帶出海膽嘅甜美。
蟹膏磯煮鮑魚
磯煮鮑魚沾滿蟹膏，鮑魚好稔好易入口，加上蟹膏嘅甘香，帶出咗鮑魚嘅鮮味。
北寄貝
簡單加咗竹炭鹽，酸柑汁，食得出北寄貝好新鮮。
和歌山香魚BB
師傅只用咗薄薄嘅炸粉，香魚外脆內軟，魚頭魚尾會有少少苦味，幾得意。
藍鰭吞拿魚腩壽司
藍鰭吞拿魚腩好肥美，入口即溶。
吞拿魚醬油漬壽司
好少食醬油漬壽司，食落魚肉會有較濃嘅醬油味道，別有一番風味。
海鰻天婦羅手卷
呢款都好有驚喜，炸完嘅海鰻並唔油膩，熱辣辣咬落好厚肉好滿足，用紫菜包住食令口感再脆啲，醬汁更加係錦上添花。
草莓天婦羅
呢個煮法都好特別，草苺一啲都唔酸，做成天婦羅後外脆而裡面好多汁，加上海鹽煉奶令味道更順滑，食完好想再食。
玉子布甸
好香蛋味，小小一份啱啱好。
最後店員奉上味噌湯及甜品，味噌湯好足料，食完咁多嘢飲返碗湯真係好舒服。甜品係芒果蛋糕加夕張蜜瓜，感覺非常滿足。
张贴
