S2 Kitchen (已搬遷) 新店位置

想試呢間餐廳好耐啦，今日出開中環一定要食呀！當日係omakase形式，每道菜都有驚喜。餐前小食 蒜頭漬 爽脆，惹味。溫泉蛋沙律 醋汁偏酸，岩晒我，好開胃！南魚薄切 金箔黑松露係面 ，魚係炙燒，好香，肉質冧身 ，配埋黑松露食一流。辣味吞拿魚 上面係蟹籽加辣味吞拿魚蓉。下面飯包裡面有紫菜，口感豐富。芝士釀雞翼。表面有層薄薄炸粉炸得脆卜卜，雞翼去左骨，裡面啖啖肉，好香口。茄子上鴨燒，好靚呀！鴨肉半肥瘦，茄子燒到剛剛熟，醬汁惹味。柚子胡椒烏冬 魷魚燒得好香 烏冬彈牙 。最後甜品係芝士蛋糕，為呢餐畫上完美句號。