影片
更多
2017-01-20
786 浏览
為左慶祝公司個project 順利完成，我同同私底下自己「um 」荷包食餐好的，當係慰勞下自己啦。之前有同佢提過想試下Omakase ，估唔到佢仲記得，仲搵埋餐廳訂埋位添，真係唔話得入到黎已經被安排坐bar 枱，能夠睇住師傅整野食，再跟手放到你面前，好過癮呢。先黎前菜三款，有韓式泡菜、螺肉同埋魚仔，賣相精緻，份量剛剛好，本身我好鍾意食魚仔，即刻對呢間餐廳好感度加分。真鯛魚刺身，師傅教路可以點少少旁邊的酸汁黎食，刺身鮮甜有咬口。北海道帶子刺身，加了少少岩鹽同檸檬汁調味，帶子鮮甜肉厚，調味汁令到鮮味提升，我好喜歡。再黎牡丹蝦同深海池魚刺身，之前去其他地方，食的池魚都係薄切的多，原來，一般的池魚係適宜薄切，但深海池魚就比較肥美多數for 厚切的。入口軟滑，有魚油的香味。燒厚拖羅肥美有魚香，入口即溶大蜆清湯，沒有多餘的調味，咁先可以食到材料的新鮮。真鯛魚頭一上枱，我真係比唔到反應佢，事關我不嬲唔食咁多骨的食物，不過聞到佢比人燒到好香，咁我都大膽試下啦，同事教我將個頭反轉佢，見野就放入口。試第一啖，好香魚油味，一啲都唔腥，比我想像中容易食，下次可以再食。到天婦羅時間了，天婦羅蝦同松葉蟹腳都只係需
之前有同佢提過想試下Omakase ，估唔到佢仲記得，仲搵埋餐廳訂埋位添，真係唔話得
入到黎已經被安排坐bar 枱，能夠睇住師傅整野食，再跟手放到你面前，好過癮呢。
先黎前菜三款，有韓式泡菜、螺肉同埋魚仔，賣相精緻，份量剛剛好，本身我好鍾意食魚仔，即刻對呢間餐廳好感度加分。
真鯛魚刺身，師傅教路可以點少少旁邊的酸汁黎食，刺身鮮甜有咬口。
北海道帶子刺身，加了少少岩鹽同檸檬汁調味，帶子鮮甜肉厚，調味汁令到鮮味提升，我好喜歡。
再黎牡丹蝦同深海池魚刺身，之前去其他地方，食的池魚都係薄切的多，原來，一般的池魚係適宜薄切，但深海池魚就比較肥美多數for 厚切的。入口軟滑，有魚油的香味。
燒厚拖羅肥美有魚香，入口即溶
大蜆清湯，沒有多餘的調味，咁先可以食到材料的新鮮。
真鯛魚頭一上枱，我真係比唔到反應佢，事關我不嬲唔食咁多骨的食物，不過聞到佢比人燒到好香，咁我都大膽試下啦，同事教我將個頭反轉佢，見野就放入口。試第一啖，好香魚油味，一啲都唔腥，比我想像中容易食，下次可以再食。
到天婦羅時間了，天婦羅蝦同松葉蟹腳都只係需要點少少白鹽調味就OK ，海鮮不嬲都係新鮮就係好味架啦，炸蝦頭脆卜卜好香口，蝦身鮮甜彈牙。蟹腳拆殻後炸，啖啖肉。呢兩樣如果都有得再黎多一客就好了。日本公魚都係第一次食，好搞笑，成條魚可以自己企喺碟度，同樣都係點少少白鹽就食得，入口好似多春魚，因為兩者同樣都有大量的魚春。
跟住就係天婦羅沖繩苦瓜，比一般食的苦瓜硬身同爽口少少。
海膽魚子迷李飯，魚子同海膽滿滿一碗，賣相精緻，食到尾聲，我有啲唔捨得。
最尾的甜品有開心果雪糕同咖啡雪糕2選一。咖啡雪糕入面夾雜左啲咖啡味的啫哩粒，味道更加濃。今餐的廚師發辦我地都非常滿意，地方細細，但係坐得舒服，可以靜靜地傾計。師傅會好有禮貌咁每款食物講解一次。真係值得一去。
张贴
