影片
更多
2022-10-31
54 浏览
上年生日嗰期食過鮨逸真係一試難忘，好食到講親omakase都推介呢間俾人，今年生日早早就book定左嚟回味下。水雲配松葉蟹肉比較常見，蟹肉水潤鮮甜。 第一次食鮟鱇魚肝同水母刺身，前者濃郁甘香夠creamy，完全唔會腥；後者比起一般海蜇頭粗糙，食落係更加挻身嘅爽口，食個口感為主。海膽豆腐本身已經好濃味，連埋面頭大量海膽同魚子醬一啖啪落口，未來真係全方位俾海膽味夾擊，清小小嘅豆腐混合左濃郁嘅新鮮海膽，味道好有層次。八爪魚鬚去蕪存菁，只係留低中間最軟嫩嘅部份切薄片，柔軟水潤。 我最愛係中間爽到卜卜脆嘅吸盤，如果可以俾多幾粒就好喇。磯燒平貝開頭以為係帆立貝，但食落真係比較重貝味爽彈啲，一試難忘。龍蝦刺身因為唔係超大隻，每一塊唔會話好厚，但完全食到龍蝦肉嘅紋理，新鮮爽甜，難得地生食都食到濃郁嘅龍蝦味。湯葉就係食個原味，唯一嘅鹹味來自三文魚籽，豆味超濃，連汁都飲埋。石垣貝比想像中厚身，完全唔腥，令我回想起喺日本食郁緊嘅貝類嗰種爽甜度。牡丹蝦刺身一大亮點係個蝦膏，濃郁到好似食緊奄仔蟹蟹膏咁，最神秘係佢完全唔會蓋過牡丹蝦嘅鮮甜味，甘香同清甜同時喺口入面爆發。赤貝、秋刀魚同鰤魚唔使講當然係好新鮮，後兩者
水雲配松葉蟹肉比較常見，蟹肉水潤鮮甜。 第一次食鮟鱇魚肝同水母刺身，前者濃郁甘香夠creamy，完全唔會腥；後者比起一般海蜇頭粗糙，食落係更加挻身嘅爽口，食個口感為主。
海膽豆腐本身已經好濃味，連埋面頭大量海膽同魚子醬一啖啪落口，未來真係全方位俾海膽味夾擊，清小小嘅豆腐混合左濃郁嘅新鮮海膽，味道好有層次。
八爪魚鬚去蕪存菁，只係留低中間最軟嫩嘅部份切薄片，柔軟水潤。 我最愛係中間爽到卜卜脆嘅吸盤，如果可以俾多幾粒就好喇。
磯燒平貝開頭以為係帆立貝，但食落真係比較重貝味爽彈啲，一試難忘。
龍蝦刺身因為唔係超大隻，每一塊唔會話好厚，但完全食到龍蝦肉嘅紋理，新鮮爽甜，難得地生食都食到濃郁嘅龍蝦味。
湯葉就係食個原味，唯一嘅鹹味來自三文魚籽，豆味超濃，連汁都飲埋。
石垣貝比想像中厚身，完全唔腥，令我回想起喺日本食郁緊嘅貝類嗰種爽甜度。
牡丹蝦刺身一大亮點係個蝦膏，濃郁到好似食緊奄仔蟹蟹膏咁，最神秘係佢完全唔會蓋過牡丹蝦嘅鮮甜味，甘香同清甜同時喺口入面爆發。
赤貝、秋刀魚同鰤魚唔使講當然係好新鮮，後兩者嘅醬料尤其留下深刻印象，薑蔥突出左一絲腥味都冇嘅秋刀魚味，而鰤魚嘅三星漬好特別，令我諗起某啲自家製脆脆地嘅辣椒醬，同魚味略淡嘅鰤魚好夾。
仙鳳趾珍蠔鮮甜幼滑，同酸汁好夾，如果再大隻啲就更好。
象拔蚌水松貝每次嚟都必定會食到，同印象中一樣咁彈牙，師傅刀工都應記一功，順住紋理夠厚肉，感受到水松貝嘅鮮活。
小池魚同羽太魚都唔係話超級重魚味，但係食得出好新鮮，尤其深印象係羽太魚嘅質感好突出，就好似牛扒當中嘅牛板腱咁，係一眾柔軟嘅魚生對比下，別有一番風味。
一連兩道以海膽作主打嘅菜式，分別係赤身醬油漬配赤馬糞海膽，同放係青瓜上面嘅紫海膽。 我鍾意前者多啲，馬糞海膽本身好甜，赤身嘅另一種鮮味加埋鹹甜夾擊，係好幸福嘅味道。
紫海膽落足料俾咗好多，但對比之下淡少少同埋海水味比較重，不過夠新鮮，試多幾款海膽都唔錯。
南非鮑魚經過4小時慢煮好柔軟，配蟹膏醬鮮上加鮮。
甘鯛立鱗燒將魚鱗炸到脆卜卜，外脆內軟，但最吸引我嘅係生紫菜湯醬汁，睇落平平無奇，但我同朋友都食到停唔到口，一滴都無剩。
最後嚟到全晚嘅焦點，全碟都係我最愛，大拖羅魚油豐盈，甘香無筋，好耐冇食過咁高質嘅拖羅，食到合埋眼咪咪笑。
毛蟹壽司蟹肉爆曬棚，一句講晒甜，比起平時食開嘅肉蟹有種更加細緻嘅甜味。
白海膽嘅好食程度可以話係一生難忘，首先當然佢甜到痴線，仲要層層疊咁厚厚疊左幾層，甜到一個極點。 最精彩嘅係上面好似雪花咁嘅淡雪鹽，天然清新嘅鹹味更加引出海膽鮮味。 底層嘅紫蘇葉天婦羅乾爽唔油膩，酥脆到好似薯片咁，又為白海膽加添左香氣，成個組合真係完美到極致，滿足到我覺得成個omakase減其他菜式，再俾兩舊白海膽天婦羅我都收貨有突。
张贴
