影片
更多
2019-01-03
530 浏览
周不時會去simplylife食lunch,鐘意佢環境好，食物質素好，成個用餐experience唔錯，前菜+主菜+飲品~$110呢個價錢係九龍灣唔算貴，有時想享受返個有質素嘅lunch,simplylife係一個唔錯選擇。前菜可以選擇湯或者沙律，兩個都會跟包，兩款我都鐘意。包嘅質地非常韌同硬，就算搽牛油再浸湯，都係韌，我食左咁多次都未慣。飲品可選擇冰茶或者氣水，次次都選擇冰茶，對於基本上唔飲甜野嘅我來說都唔會過甜，唔錯。一向好鐘意呢度嘅南瓜湯，質地好rich,食落有一種好自然，無過度調味嘅味道，唔會偏甜偏咸，覺得好健康。沙律亦都非常有良心，賣相靚，味道好。主菜今次叫左啲之前未食過嘅野，第一樣係魚柳他他汁漢堡，漢堡包烤到邊邊有啲焦，聞都聞到有陣焦味，我不太鐘意。魚柳大大舊，表面睇炸得金金黃黃好靚，但食落覺得表皮炸得過隆，有啲硬，但內里魚肉仲係軟嫰嘅。薯條基本上係度食都冇咩失手，今次亦保持水準，外脆內軟。第二款主菜係慢煮紅酒肉碎手製闊條面,味道唔難食亦冇驚喜，但係面質我覺得煮得岩岩好，不過鐘意食硬身面嘅朋友就覺得太軟。第三款係松露忌廉雜菌有機糙米飯，飯質地煮得岩岩好，唔會硬唔會過軟，食落
前菜可以選擇湯或者沙律，兩個都會跟包，兩款我都鐘意。包嘅質地非常韌同硬，就算搽牛油再浸湯，都係韌，我食左咁多次都未慣。飲品可選擇冰茶或者氣水，次次都選擇冰茶，對於基本上唔飲甜野嘅我來說都唔會過甜，唔錯。
一向好鐘意呢度嘅南瓜湯，質地好rich,食落有一種好自然，無過度調味嘅味道，唔會偏甜偏咸，覺得好健康。
沙律亦都非常有良心，賣相靚，味道好。
主菜今次叫左啲之前未食過嘅野，第一樣係魚柳他他汁漢堡，漢堡包烤到邊邊有啲焦，聞都聞到有陣焦味，我不太鐘意。魚柳大大舊，表面睇炸得金金黃黃好靚，但食落覺得表皮炸得過隆，有啲硬，但內里魚肉仲係軟嫰嘅。薯條基本上係度食都冇咩失手，今次亦保持水準，外脆內軟。
第二款主菜係慢煮紅酒肉碎手製闊條面,味道唔難食亦冇驚喜，但係面質我覺得煮得岩岩好，不過鐘意食硬身面嘅朋友就覺得太軟。
第三款係松露忌廉雜菌有機糙米飯，飯質地煮得岩岩好，唔會硬唔會過軟，食落粘粘地好滑，一入口非常濃郁忌廉味，我覺得有啲太strong,但同行朋友覺得好好食，呢個真係各人口味唔同，各有所好。
今次新食嘅三種主菜雖然冇之前試嘅咁岩我口味，不過依然唔錯。提提大家唔好睇相好似好少，佢份量唔細，細食嘅女仔食burger餐會好飽，推介俾lunch有充足時間，想嘆個有環境，食物有一定質素嘅精緻上班族嚟食。
张贴
