影片
更多
2015-02-11
2783 浏览
新年就到，諗住年尾同呀媽食番餐好既！今次終於唔係四圍行有排搵啦一早就鎖定左呢間係尖沙咀赫德道既歐陸餐廳－－Okapi因為上次食完野經過見到佢個餐牌，媽媽表示垂涎三尺平時都冇為佢做咩野，趁住黎緊又情人節，藉此表達心意吧！之前已經黎過，冇可能去錯啦！而門口都好易認，由門面已展現出典雅格調環境走的是十九世紀歐式室內設計風格內邊有個如像壁爐設計，而周圍傢俱都富有外國舊時代感覺現在想想，真的有幾分像去英國及歐洲旅行時係古堡及博物館見到既配搭背景音樂音量適中，選曲讓人能放鬆心情，放慢步調微暗燈光以及小燭台亦是增添氣氛既加分位！來用晚餐既，不少都係上班一族放工之後，舒舒服服，係寫意雅緻既氛圍之下品嚐佳餚，確是賞心樂事瀏覽過餐廳官網及專頁，有既只係一般餐牌選擇而當晚我地就見到呢個法式龍蝦海鮮鍋二人套餐五道菜，$788+10%兩位又酒又海鮮，根本就係為母上而設既最佳之選！雖然佢未有宣之於口，只是默默翻著餐牌，但我也暗暗決定要點這個了情人節套餐不代表要同另一半撐枱腳，與家人進餐也無不可吧？Organic House Wine（Red） 有機葡萄紅酒老實說我不懂品酒，西式餐酒亦非我最愛無謂過份賣弄，丟人現眼
新年就到，諗住年尾同呀媽食番餐好既！
今次終於唔係四圍行有排搵啦
一早就鎖定左呢間係尖沙咀赫德道既歐陸餐廳－－Okapi
因為上次食完野經過見到佢個餐牌，媽媽表示垂涎三尺
平時都冇為佢做咩野，趁住黎緊又情人節，藉此表達心意吧！
之前已經黎過，冇可能去錯啦！而門口都好易認，由門面已展現出典雅格調
環境走的是十九世紀歐式室內設計風格內邊有個如像壁爐設計，而周圍傢俱都富有外國舊時代感覺
現在想想，真的有幾分像去英國及歐洲旅行時係古堡及博物館見到既配搭
背景音樂音量適中，選曲讓人能放鬆心情，放慢步調
微暗燈光以及小燭台亦是增添氣氛既加分位！
來用晚餐既，不少都係上班一族
放工之後，舒舒服服，係寫意雅緻既氛圍之下品嚐佳餚，確是賞心樂事
瀏覽過餐廳官網及專頁，有既只係一般餐牌選擇而當晚我地就見到呢個法式龍蝦海鮮鍋二人套餐
五道菜，$788+10%兩位
又酒又海鮮，根本就係為母上而設既最佳之選！
雖然佢未有宣之於口，只是默默翻著餐牌，但我也暗暗決定要點這個了
情人節套餐不代表要同另一半撐枱腳，與家人進餐也無不可吧？
Organic House Wine（Red） 有機葡萄紅酒
31 浏览
0 赞好
0 留言
Organic House Wine（Red） 有機葡萄紅酒老實說我不懂品酒，西式餐酒亦非我最愛
無謂過份賣弄，丟人現眼，100%門外漢的感想
聞下去酒香算深幽，帶點葡萄果香及甜味
酸度算中等，不過感覺有點生，開頭有微辣，後帶回甘
Focaccia 香草麵包
16 浏览
0 赞好
0 留言
作為餐包送上，店方沒有點明是香草麵包
只是上桌時即時傳來一陣清清香氣，像要表明身份
餐包可以免費添加一次，對於待會要食海鮮鍋既我地，肯定是喜訊
外層薄身乾爽，微微帶脆
內裏氣泡偏中小，不全統一，但頗細密
包心鬆軟可口，香草香氣滲入麵包麵香，兩者是相輔相成，各顯特色
Mini Lasagna 迷你千層麵
51 浏览
0 赞好
0 留言
Mini Lasagna 迷你千層麵上桌時竟見是剛好裝滿意粉碗的版本！
用碗盛上，除能保溫，以免客人食到變凍變硬既千層麵外
進食既時候亦不會因滿滿既醬汁及餡料亦食得狼狽:^)
以千層麵響頭炮，有點重口味
我地見到第一道就係千層麵，不約而同地想起在維羅纳的那頓晚餐
當時佢就係食完個豐富既千層麵滯左，其後既美食也只好分半給我XD
幸好這裏的份量是恰到好處，讓人暖胃之餘開開胃口
舀起一大匙，芝士微微帶有牽絲，中間的餡料像要溢出似的
千層麵稔軟，麵香很淡薄，好在是不帶水爛
當然沒有疊至千層，但每層之間都夾滿富嚼勁的碎肉及蔬菜粒
配上酸甜解膩的蕃茄醬，吃起來未有太大負擔，盡能大快朵頤！
Parma Ham Caesar Salad 巴馬火腿凱撒沙律
80 浏览
0 赞好
0 留言
Parma Ham Caesar Salad 巴馬火腿凱撒沙律賣相豐盛吸引的兩人份沙律盛滿一個小鍋
職員為我地換上新碟，可以分享沙律
表面當然是有巴馬火腿，色澤粉紅潤澤
而且夠稔身，並非暴露於空氣多時既暗啞乾身
鹹香味濃，脂肪部位不多，勝在薄身不膩
香脆帶麵香的法包粒以及乾酪片亦為沙律增上色彩，鹹味普普，香而不膩
加上底下既沙律早已用凱撒沙律醬及芝士粉拌好，芝香更富層次
生菜新鮮翠綠，爽脆帶水分，配微酸沙律醬，更滑身又不會過於油膩
Provencal Bouillabaisse Seafood Pot in Saffron Soup 法式海鮮龍蝦鍋是晚最最期待的重頭戲出現了！！！！！
先來架一個明爐，放上大方足料得連鍋蓋也不能全然蓋上的海鮮鍋
再來就是點火儀式，待熱至滾起就可以開餐啦:^)
翻熱途中，從那蓋不上的大隙縫中不斷飄出富有龍蝦湯鮮香既白煙……
接著要在腦海無限碎唸：「幾時先滾起呀大佬？快啲啦！」
Provencal Bouillabaisse Seafood Pot in Saffron Soup 法式海鮮龍蝦鍋
51 浏览
0 赞好
0 留言
不得了！不得了！滾起即開蓋！濃郁的海鮮鮮香隨著蒸氣，撲鼻而來
我不禁貪婪的想要吸盡每一口鮮味……
還是放棄吧，眼前美味更加重要
Saffron Soup 番紅花湯頭表面浮起橙紅色油脂讓人一下子想起平日喝龍蝦湯時的情景
一口喝下，龍蝦味道極之突出，顯然是主要貢獻者
雖說是番紅花湯底，但海鮮美味更是突出
而且毫不腥膩，清甜甘香得讓人欲罷不能
此時看著相片打文，只嘆當時未能整鍋喝掉……
Lobster 龍蝦係冇花冇假，足本呈獻先對半切開兩邊，剛好兩人容易分食
煮得熟透之餘，龍蝦肉稔至一拮就輕易離殼
肉質還是爽口彈牙，唔係因為不新鮮既霉爛先易去殼
方便又可顧儀態，不用牽扯太久至蝦肉放涼
只係老實說，龍蝦精華部分全數滲進湯頭
蝦肉原有既鮮美甘甜只剩下丁點
由於一直浸係湯入面，都稍有回吸湯汁
但當然同單食龍蝦肉既多汁豐潤香味有著天淵之別
對於此道，別抱太大期望
Halibut 比目魚其實並非一上桌就盛有既係海鮮鍋加熱至一半，從廚房另外送出來，職員幫忙加進鍋中
我唔知佢係唔記得放落去定點，但有個可能係……安排好既一個過程
點解我會有咁既想法？
一開蓋，嚐過熱湯之後，比目魚係我第一樣食既海鮮
乍看之下，表面是帶點金黃，其他部位保持雪白
可見是有微煎過，顏色唔係湯染既
接著是嚐嚐魚皮，是帶點意料之外既脆度，以及微微鹽味
估計曾煎過，但想不到如此滾過後還能保留少許脆感
魚皮入口滑嫩，皮肉之間黏附厚厚膠質層，香氣濃郁
魚肉雪白嫩滑，感覺紥實又帶爽，味鮮沒有雪味
另外佢係無骨大大塊厚身可口既比目魚，啱哂我呢啲懶人
根據上述推測，店方也許是為了魚皮脆度以及魚肉爽感才會半路加菜
魚扒煮得剛剛好，如果只為它，我也可能會再去一趟的:^p
Prawn 蝦事先去殼挑腸，只留小鳳尾蝦肉煮熟後外層帶橙紅，內裏白身微黃，相信不多不少也吸收到湯之精粹
質感爽彈不韌，蝦味猶在，淡鮮
濕潤度還可，水分未因長煮而完全外滲
餐包又可以派上用場了！緊密氣孔索盡湯汁，還不算淋爛，浸泡後繼續帶有鬆綿感
且包香不會被濃郁湯味掩蓋，隱隱多加一層香草獨特香氣
Blue Mussel 藍青口都係煮熟至開口，半離殼狀態原味依然留貯於中心，外邊則沾上湯香
肉稔微韌，有點嚼勁，中心沒有粉爛扁塌，還可以吧
Clam 蜆係偏大果種，煮完既蜆肉都唔算縮水至不見中心部分入口鮮味，藏有原本既水分汁液
吃下去帶蜆肉香味，不苦，頗為清甜
Garden Vegetable 田園蔬菜又係有西葫蘆同豆角等等清新爽口，多汁之餘又帶甜味
表面灑上黑椒，加多一份香辣滋味，令蔬菜沒有那麼單調
Roasted Potato 烤薯其實十分稔身，沒有我想像中外帶微脆既感覺外面留住少少薯皮先唔會太過粉爛，否則大概要用湯匙舀起吧？
表面帶油，放入湯之後只輕輕蘸上湯汁
另外或者灑上少許迷迭香，香草郁香濃烈，算有降低膩感
Okapi Bread Pudding with Double Cream Okapi麵包布甸
43 浏览
0 赞好
0 留言
Okapi Bread Pudding with Double Cream Okapi麵包布甸看似輕微焗過頭，表面有少少焦黑部分
只是整個看起來，還是金黃微焦的佔多
加上烤焦位置也是焦香味更濃厚，沒有至於苦澀，不算太大問題
熱食，剛焗好的，店方細心提醒我倆小心碰到碗邊會燙到
咁我地就倒下奶油先啦！
奶油在燈光下是泛起點點油光來
稀身如水，色帶乳白微透，看著有點薄弱
入口奶香只在第一口顯露，其後卻是淡淡薄薄
個人偏好，認為稠身少許至漿感既話就更理想
若是帶點甜味，例如雲尼拿汁，搭配其他香氣，應該更利口及少膩
麵包表層香脆個不行，就算淋上奶油也只稍稍放軟至易入口程度
布甸部分夠哂細密，自身甜度不高，夾雜酸甜果乾都未會過甜
可惜是有點太乾身，紥實感覺配上帶膩既奶油，有點重負擔了……
Kenya Coffee 肯雅咖啡
51 浏览
0 赞好
0 留言
如果問我餐後會飲咩野，我一定會揀咖啡
個人不太愜意帶酸既咖啡
明知不同種類、產地等都會有影響，但總會覺得怪怪地
不過人總是明知山有虎，偏向虎山行……
輕嚐一口，只覺咖啡苦香一秒之後已經轉變成酸味
那份酸，附著薄如輕煙的果香，不嗆
我習慣不加糖不加奶，單純喝著咖啡，原味是最讓人著迷的
酸，不會因這杯而愛上，我沒有那麼善變，搖擺不定
若然是飽餐一頓後，抵受得住咖啡因的，這點酸味大概有助解膩
就服務而言，明顯是一個大亮點！
踏入門口，職員馬上上前確認訂座記錄
清晰簡潔，話咁快就可以入座，而唔係查黎查去要等佢搵十年既低效率
然後食完一道菜之後，收碟換碟亦都夠快捷
不時仲會自動波斟水，唔係要客人等到口乾叫黎叫去都唔俾水咁「珍惜資源」
大可以說店方知道我有寫評就做得好啲
我可以講番，落單後廚房梗係唔會一秒隊到成枱餸俾你啦
等候既同時見到其他職員同其他客人溝通，予人感覺都係和善親切
唔係話淨係對我地一枱服務周到
一餐下來，固然食物有可以改善之處
環境及服務等頗令我們滿意
母上更有意再訪，至少這次的是值得的。
张贴
