新記車仔麵 (已結業)

朋友話呢間既車仔麵唔錯，就過黎試下了。其實我唔係特別鍾意食車仔麵，因為一碗普通3餸既麵對我黎講唔夠大份，除非加多啲嘢，但係加一樣餸就10蚊左右，個人覺得唔抵。細細間鋪頭，但係生意十分之好，應該都有佢既特別之處掛。（雖然我覺得好多時呢個都係假象！好多間根本就勁難食，但一樣好多人幫襯）揀左五香牛肉、魚腐同河粉（2餸1麵:$36），湯底為滷汁，仲追加咗一份腐乳通菜（$20）、小食牛柏葉（$10）同埋一罐可樂（$10）。其實味道真係唔錯，牛肉肥瘦均勻，腐乳通菜淋身惹味，牛柏葉由於揀咗辣既，個味道真係辣得好開胃，正呀！但係對唔食得辣既人來講就有啲受不了啦，哈哈。呢度既份量真係唔大，要食飽最少都要$50以上，所以唔算平，但都值得一試。