玄鮨 (已結業)

終於等到星期六放假，同左家姐去食好料，今次我地去左銅鑼灣既玄鮨，靚景美食，享受一頓米之蓮午餐。Sashimi lunch $330，呢個set 有好多唔同種類既刺身、多款魚、墨魚、蝦、帶子等等，刺身超鮮新鮮、簡直可以用鮮甜黎形容，好滿意，另外有前菜、湯、白飯同埋煮食係有魚加蘿白，個蘿白煮到好淋、味道就偏甜。另外家姐就叫左個 deluxe chirashi，同埋有前菜、湯，仲有配左個茶碗蒸，蒸蛋好滑，裡面有蜆肉、白果等的材料，不會太單調。主菜係魚生飯，有好多款魚生、蝦、海膽、帶子三文魚籽等，非常吸引，都好食，不過我地就覺得sashimi lunch 既刺身鮮甜些。最後可揀甜品同咖啡，甜品係雪糕夾餅，係時候抹茶雪糕，家姐就揀咖啡。