Ocio (煙廠街) (已結業)

為食之旅第二擊，食完日本野，已經好飽，但係仲想食甜品。係OpenRice揾到附近呢間甜品好似幾出名既cafe食返個tea。可能過左午飯時間，walkin 都有位。甜品menu五花八門，souffle pancake, waffle, toast 等等都有。我地揀左第二度未必有得食既焗鑊仔班戟心太軟。焗鑊仔班戟心太軟 $89+10%等左一陣先整好，新鮮出爐，可惜唔係用鑊仔上。班戟心太軟原來係指用班戟皮包住朱古力漿，上面加一塊曲奇餅，再加球雲呢拿雪糕同cream。班戟皮原來係薄脆，包住既朱古力醬勁多又濃，配香滑既雪糕食，一冷一熱，正！呢份甜品夠兩個人分，情人節食都幾好。玫瑰牛奶 $39+10%另外叫左一杯飲品。冬天揀返杯熱既玫瑰牛奶嘆下。面頭撒上d玫瑰花瓣，好香玫瑰花味。牛奶味唔算重，可能因為加左熱，唔算滑溜，但係絕對唔甜。裝修唔差，座位正常。請服務員影相都冇托手㬹，呢個tea都食得幾開心。