壽司郎 (黃埔天地)

营业中

休息中

仲以為平日去壽司郎唔使排隊，今日已經避開午膳時間先嚟到壽司郎，點知人龍都係咁多，但係見舖頭內都有唔少空位， 所以都係等吓先！大概等咗半個鐘，終於到我哋😭一入到去就即刻點嘢食！見住啲壽司從火車軌道送過嚟，非常興奮！大致上啲食材都算新鮮，而我覺得最滿意嘅就係茶碗蒸同、葱呑拿魚腩軍艦同芥末八爪魚軍艦。不過啲紫菜可以再脆啲！茶碗蒸個上湯好濃，而且入邊仲有帶子蟹柳冬菇等等。蛋汁好滑，熱辣辣咁樣啱晒呢啲咁凍嘅天氣！到我哋食完，門口外面仍然勁多人排隊！可能等遲啲金澤嗰間過江龍壽司店開張之後，就可以分散吓啲人群啦！另外見到佢藍田都即將開分店，勁呀越開越多，希望遲啲可以容易啲攞位啦！