享慢煮泰 (已結業)

這間位於堅尼地城嘅餐廳, 融合咗泰式嘅風味, 再加西式嘅煮法, 別樹一格, 十分之特別！午餐嚟嘅款式非常之多, 可以點選1/2/3個course既套餐, 或者散叫其他款式。冬陰龍蝦流心牛角包, 一切開牛角包, 非常之香又濃郁, 所有醬汁流曬出嚟,冬陰功再加埋龍蝦味道, 十分之夾, 呢個fusion菜都幾特別！泰式生蝦就食得多, 泰式生蠔真係第一次食, 用有燒嘅方法, 生蠔嘅鮮味出曬嚟, 配埋泰式辣汁加持, 令到個味道更加提鮮, 好開胃！蟹肉伊麵 , 加咗好多蟹子, 配埋鮮嫩蟹肉, 百感交集, 伊麵夠爽滑, 香濃嘅龍蝦汁, 真係天衣無縫！甜品方面, 我要咗椰子雪糕, 配風乾鳳梨及紫糯米, 賣相都幾吸引, 椰子雪糕上面, 好多椰絲, ICE CREAM 椰味好濃, 風乾菠蘿, 咬落去好脆口,今個午餐大滿足。