影片
更多
2010-04-04
19 浏览
2-4-2010晚上有事要到葵芳一轉, 加上已想試呢度的咖啡好耐, 下午當然要早 d 到嚟飲咗先. 5:xx pm 嚟到, 仍然有 tea set ($48) 供應, 最後 2 人就要了兩份, 共 4 件 tartlets 及兩杯飲品.飲品要了期待已久的 caffe latte (單點 tall size $21), 要求「唔落糖」... 面頭畫了樹葉拉花, 奶泡睇落唔少氣泡, 飲落就夠晒綿滑細密, 奶味亦香濃; 下面的咖啡好熱吓, 聞落好香, 飲落好「奶」, 不過咖啡味亦濃醇而不苦澀, 正! 好喜歡呢杯 caffe latte, $21 一杯 tall size 實在超級抵飲, 值得試試.朋友唔飲咖啡卻被我捉了過來, 唯有叫熱 "Forming Chocolate"... 點 "form" 法無從考究, 面頭的奶 "foam" 就幾幼細 creamy, 不過飲落朱古力味好薄, 甜度亦有 d 假, 味道十足我幾唔喜歡的「超市式」「棉花糖朱古力」, 都幾... Tartlets 隨便揀了兩隻 mango, 一隻 strawberry 及一隻 chocolate mousse, 3
晚上有事要到葵芳一轉, 加上已想試呢度的咖啡好耐, 下午當然要早 d 到嚟飲咗先. 5:xx pm 嚟到, 仍然有 tea set ($48) 供應, 最後 2 人就要了兩份, 共 4 件 tartlets 及兩杯飲品.
飲品要了期待已久的 caffe latte (單點 tall size $21), 要求「唔落糖」... 面頭畫了樹葉拉花, 奶泡睇落唔少氣泡, 飲落就夠晒綿滑細密, 奶味亦香濃; 下面的咖啡好熱吓, 聞落好香, 飲落好「奶」, 不過咖啡味亦濃醇而不苦澀, 正! 好喜歡呢杯 caffe latte, $21 一杯 tall size 實在超級抵飲, 值得試試.
朋友唔飲咖啡卻被我捉了過來, 唯有叫熱 "Forming Chocolate"... 點 "form" 法無從考究, 面頭的奶 "foam" 就幾幼細 creamy, 不過飲落朱古力味好薄, 甜度亦有 d 假, 味道十足我幾唔喜歡的「超市式」「棉花糖朱古力」, 都幾...
Tartlets 隨便揀了兩隻 mango, 一隻 strawberry 及一隻 chocolate mousse, 3 款賣相都十分普通, 不過食落又幾好食: tart 底牛油味好香, 食落香脆又鬆化, custard 香滑又唔太甜, 連芒果及士多啤梨都係又甜又多汁的, 收貨有餘吧; chocolate mousse 一般香滑, 不過朱古力味幾 "dark", 甜度唔高, 好食.
咖啡很不錯, 店員 (老闆?) 們亦十分友善好客, 不過環境就認真麻麻, 如果想靜靜哋慢慢歎咖啡, 睇怕只可平日下午嚟了.
每人放低 $48, 印象不錯, 下次嚟葵芳的話再見吧!
张贴
