3rd Space (已結業)

上次食完之後念念不忘， 今日再黎encore 同一樣既野食。英式芝士pancake 套餐， 蘑菇烤得好入味， 腸係用芝士腸， 夠熱辣辣， 本身唔中意食蕃茄， 因為怕草青味， 但呢粒有煮過， 熱熱地又冇草腥味。沙律菜都fresh , 仲有牛油果 蛋就煮到半生熟， 不過我覺得唔同pancake 一齊食比較好。pancake 就夾糖漿， 同入面既芝士match d 。Signature Earl Grey pancake暫時食過最好味既pancake , 自己係好中意啖啖麵粉既厚實質感， 如果你係中意梳乎厘質咁就未必岩你口味。上次食過記得仲未有加麻糬， 今次中間夾埋麻糬 層次level up ~加埋上面既忌廉同雪糕感覺好幸福 美中不足係唔夠雪糕， 有得加既話我會加錢topup 整體環境好靚好文青， 過下lunch 或者brunch 時間都唔錯。