MOO MOO

营业中

休息中

突然好想食漢堡包，醒起見過有間喺牛頭角嘅手打漢堡，價錢又唔貴，又有奶昔飲，梗係要試吓。經典漢堡見到介紹係新鮮手打美國穀飼牛肉，好吸引😍 果然牛味夠重，而且好juicy，最特別係加入佢哋嘅特製moo moo 汁，其他地方一定食唔到。另外值得一提係佢嘅麵包用牛油烘咗吓，好香脆。鹹蛋黃雞堡聽過名已經知道好邪惡，但都係忍唔住叫。朋友試第一啖，已經忍唔住話鹹蛋黃味好香好重，而且雞夠嫩，同鹹蛋黃好夾好好味。薯條估唔到套餐嘅薯條份量都咁足，新鮮熱辣，夠和香脆，而且茄汁自己攞，無限加，正。咖啡奶昔好少飲咖啡奶昔，奶味唔會好重，而且唔會好甜，飲得出咖啡味，都幾特別，雖然要加錢轉，不過都值得。