至尊滿屋日本料理 (已結業)

今次去既哩間放題絕對係平靚正，對比起同區放題價錢相對較低，但食物款式同質素無太大分別。刺身款式多，而且夠新鮮。螺肉，三文魚超新鮮，大愛❤️。壽司款式好多。整體黎講，材料新鮮，份量多👍🏻，非常滿足。哩三款沙律壽司超好食，好fresh好清新❤️❤️。哩到小食款式夠特別，出面放題未必食到。雞翼尖放題真係第一次見。哩個辣味好夠👍🏻，份量少少，愈食愈上隱。來來回回點左三四轉😂。牛肉小食一啲都冇令人失望，火喉岩岩好，牛肉夠淋，牛舌夠爽口，入味😋😋。燒蠔上面舖滿左沙律醬同芝士，燒完好香口，味道夠濃，佐酒一絕。放題點少得燒蝦，蝦肉一啲都唔霉，夠鮮肉彈牙。炸物雲吞餡料夠多，外皮炸到卜卜脆😋。芝麻雞翼好食都唔需要多講😍，熱辣辣趁熱食。 榴槤波波皮脆內軟，榴槤餡仲要係流心，榴槤控唔可以錯過。豬骨叉燒拉麵細細麵，兩個share都唔會太濟，麵硬身，叉燒夠淋，值得一試。蟹粥真材實料，一小鍋就有半隻蟹，非常值得食。