影片
更多
2017-03-08
367 浏览
作為MK仔/妹對MK呢個地方再熟悉不過，但竟然係MK的中心抬頭望到「火鍋L」咁霸氣的粗口廣東名，完全燃點起我內心深處個種MK情懷，不可不試！一坐低當然係order湯底的經典環節，由於其中一個死MK妹唔食辣，而香港又未有普選的情況下，1:3小比數通過放棄經典紅白湯底，改為白湯加老火湯鴛鴦組合。不過～原來都有驚喜，白湯係有原條人參熬成，藥膳味濃；老火湯就用半隻雞煲成，極度鮮甜。當我地陶醉緊飲湯頭而不知不覺飲咗大半煲，又擔心加清湯會溝淡味個陣，店員攞住兩大玻璃樽的原汁湯底幫忙加湯，竟然唔係白開水或者清湯，實在太滾動啦！除咗湯底驚喜，火鍋配料同樣出色。齋賣相已經好吸引。極品牛肉以半圓竹架掛起，再配以乾冰製作煙幕瀰漫的效果。最可愛係用蒸籠裝起的四隻水晶奶黃包，原來奶黃包可以用嚟淥，口感煙韌，味道甜甜香香，冇違和感。當然～冇可能傻到用嚟點豉油啦，咁當然會唔夾啦。不知不覺，食到過晒交檯時間，店長行過嚟，劈頭第一句：「DLNM，要食幾耐啊？！」當然唔係～反而係笑眯眯咁講：「食飽我地仲有甜品送喔。」高招！送甜品氹人之餘又可以提醒你夠鐘交檯。最後送上的甜品原來先係終極大驚喜，腐竹糖水冰沙不算特別，最特別係
一坐低當然係order湯底的經典環節，由於其中一個死MK妹唔食辣，而香港又未有普選的情況下，1:3小比數通過放棄經典紅白湯底，改為白湯加老火湯鴛鴦組合。
不過～原來都有驚喜，白湯係有原條人參熬成，藥膳味濃；老火湯就用半隻雞煲成，極度鮮甜。
當我地陶醉緊飲湯頭而不知不覺飲咗大半煲，又擔心加清湯會溝淡味個陣，店員攞住兩大玻璃樽的原汁湯底幫忙加湯，竟然唔係白開水或者清湯，實在太滾動啦！除咗湯底驚喜，火鍋配料同樣出色。齋賣相已經好吸引。極品牛肉以半圓竹架掛起，再配以乾冰製作煙幕瀰漫的效果。
最可愛係用蒸籠裝起的四隻水晶奶黃包，原來奶黃包可以用嚟淥，口感煙韌，味道甜甜香香，冇違和感。當然～冇可能傻到用嚟點豉油啦，咁當然會唔夾啦。
不知不覺，食到過晒交檯時間，店長行過嚟，劈頭第一句：「DLNM，要食幾耐啊？！」當然唔係～反而係笑眯眯咁講：「食飽我地仲有甜品送喔。」高招！送甜品氹人之餘又可以提醒你夠鐘交檯。最後送上的甜品原來先係終極大驚喜，腐竹糖水冰沙不算特別，最特別係裝佢的容器竟然係模仿「尋秦記」古代器皿，引起全場港女一陣尖叫！（唔知咩係「尋秦記」的00後請自行Google），至於腐竹糖水沙冰咩味？你係咪弱智，咪腐竹糖水味囉！仲問？！
順帶一提，隔離烏龍燒好似賣緊同一杯腐竹糖水冰沙，盛惠40多大元。其實兩間係咪同一間公司？兩間都咁多人，個老細咪好賺。如果屬實，而老細又單身的話，建議可貼張通告係門口，相信會成為各位單身港女/男湧住去幫襯的誘因之一。
张贴
