西餐大排檔 (已結業)

天氣又凍了點，最岩就係打邊爐。同2位女仔朋友難得一星期出黎食一次飯，食個好既。係cwb search到呢間餐廳。好肚餓，先黎個頭盤，買飛佛帶子刺身，一個字，鮮甜！重點係配埋佢地自家調製既面鼓乜乜乜蜜糖醬汁，灰常之夾！今次黎既主角係打邊爐，估都估唔到係咁精緻。一個小鍋，配上西班牙黑毛火腿做膽，湯底係地中海海水，成件事fushion 到一個點。配料都唔係講笑，美國牛＋黑毛豬肋條，肉質好鬆化好好食。海鮮方面有蜆，鮑魚，帶子，魚柳，可想言之個湯最後會有幾甜。最後加埋個甜品焗脆薄餅卷配雪糕，入面係包住蘋果吉士，唔會太甜熱辣辣食好正。加埋個breakfast tea 成件事大滿足。最後埋單一千蚊左右每人都唔使4百，以咁既質素主要食海鮮算好抵喇。