Mini Friday (銀城廣場) (已結業)

今日星期一同兩個朋友去開旺角, 四圍都係人, 又唔想食譚仔, 有人提意去食西餐鋸下扒咁~ 我突然醒起係銀城廣場9樓個邊有一間西餐廳叫"MINI FRIDAY" 主打係意大利, 美式牛扒菜式, 之前都食過幾次, 都幾好食~ 今日GYM完去約埋兩個朋友去食返餐~ 星期一晚9點~ 去到"MINI FRIDAY" , 都幾多人~ 7成入座, 好好彩我有3人位~ 有一張幾大既卡位俾我地~ 實在係太好了~環境可以話幾靚~ 好有英式古典扒房既味度~ 打卡一流丫喂~ 坐底睇下個餐牌又唔貴喎~ 4大條既炭燒蜜糖美國牛仔骨$248,卡邦尼配溫泉蛋$118 , 叫任何主菜加48蚊, 可以轉做DINNER SET, 有餐湯(意式雜菜湯) + 甜品 (芒果芝士蛋糕) , 講返D食物, 炭燒蜜糖美國牛仔骨---好少餐廳真係會做到有炭火BBQ味~ 燒得好香, 份量好多~ 必叫的~ 卡邦尼配溫泉蛋---醬汁做得好香濃, 芝士好大方加咗好多~ 煙肉好香口~ 正~ 值得推介~ GOOD~