影片
更多
2015-12-15
18384 浏览
环境：一定好㗎，不停咁转住望晒成个港九维港食物：冇食过晚餐buffet，唔知同lunch有乜嘢唔同，不过lunch就无生蚝，鹅肝，龙虾热食烧牛肉：热辣辣，中间烧到粉红色，正！仲有海盐，岩盐任落。但最出色竟然系蘑菇汁，汁入面真系有杂菌不得止，仲要有牛肝菌！对于我呢个蘑菇人简直想成兜汁拎返去食蘑菇沙律：好酸，酸到有啲似呕吐物果只酸味。钟意食菇嘅朋友，食烧牛肉只蘑菇汁啲菇好过海南鸡饭：用常满碗上菜嘅迷你版本，当然唔可以缺少海南鸡饭嘅好朋友，姜蓉啦(真系好姜嘅姜蓉)！成碟姜蓉喺侧边任攞... 不过呢饭就无鸡油味喇，鸡就好滑嘅不过完全冇鸡味...三文鱼刺身：雪味甚浓，鲜味欠奉冷盘蟹脚：平时buffet𠮶啲蟹瘦猛猛，辛辛苦苦搣完肉肉都唔多旧。不过系呢度嘅就好大只好多肉，不过肉质有少少霉，而且冇乜鲜味。重质定重量，你自己谂喇冷盘虾：冇鲜味，不过总算弹牙叉烧：唔够甜，已经攞半肥瘦𠮶啲，但系都几鞋烧鸭：已经攞上脾，但系啲皮都咬唔开。好彩肉质都尚算OK，好有鸭味虾饺：一路蒸住所以好热！皮薄不过馅唔靓，虾就鲜味欠奉，雪味甚浓。拍得住2-3线酒楼嘅虾饺呀真系～烧卖：嘥quota去食德国肠：德国藉老板都话啲质素
食物：冇食过晚餐buffet，唔知同lunch有乜嘢唔同，不过lunch就无生蚝，鹅肝，龙虾
热食
烧牛肉：热辣辣，中间烧到粉红色，正！仲有海盐，岩盐任落。但最出色竟然系蘑菇汁，汁入面真系有杂菌不得止，仲要有牛肝菌！对于我呢个蘑菇人简直想成兜汁拎返去食
蘑菇沙律：好酸，酸到有啲似呕吐物果只酸味。钟意食菇嘅朋友，食烧牛肉只蘑菇汁啲菇好过
海南鸡饭：用常满碗上菜嘅迷你版本，当然唔可以缺少海南鸡饭嘅好朋友，姜蓉啦(真系好姜嘅姜蓉)！成碟姜蓉喺侧边任攞... 不过呢饭就无鸡油味喇，鸡就好滑嘅不过完全冇鸡味...
三文鱼刺身：雪味甚浓，鲜味欠奉
冷盘蟹脚：平时buffet𠮶啲蟹瘦猛猛，辛辛苦苦搣完肉肉都唔多旧。不过系呢度嘅就好大只好多肉，不过肉质有少少霉，而且冇乜鲜味。重质定重量，你自己谂喇
冷盘虾：冇鲜味，不过总算弹牙
叉烧：唔够甜，已经攞半肥瘦𠮶啲，但系都几鞋
烧鸭：已经攞上脾，但系啲皮都咬唔开。好彩肉质都尚算OK，好有鸭味
虾饺：一路蒸住所以好热！皮薄不过馅唔靓，虾就鲜味欠奉，雪味甚浓。拍得住2-3线酒楼嘅虾饺呀真系～
烧卖：嘥quota去食
德国肠：德国藉老板都话啲质素拍得住德国𠮶啲！咁要试吓喇
天妇罗：新鲜炸起，小心辣口！炸粉唔算厚，不错不错，不过好似冇天妇罗豉油
鱼蛋粉：鱼蛋好霉，出面食鱼蛋好过
甜品
冬甩：入面系caramel，几甜
朱古力蛋糕：非常浓，有啲似Starbucks，拍得住cova
Apple crumble：酸，好有苹果味
柚子cheeaecake：柚子味浓，不过芝士味唔够，而且蛋糕有啲松散唔够实
班兰千层糕：好有班兰味，但系有啲鞋口，似咬紧旧胶
芒果糯米滋：个皮好厚，入面系芒果cream，但又唔够芒果，零芒果味，非常不伦不类
绿茶红豆布甸：红豆好甜，绿茶味非常浓(有aftertaste)但系唔甜，所以两样一齐食好夹
白桃sorbet：一拎上手已经闻到好香桃味，食落口好似食紧日本白桃咁，仲要有桃肉，好正！！！
Vanilla雪糕：用新鲜vanilla造嘅，落咗好多奶所以好滑，而且冇雪味，正
冻柠檬茶：柠檬好有味(近排试过啲苦嘅柠檬)，而且红茶非常浓
服务：OK，冇嘢挑剔
今餐系公司请嘅圣诞lunch，食物其实不过不失，但望住个靓景食都叫做补返数嘅... 但如果要我自己俾钱嚟食呢？？？
张贴
