MEMOIR (已結業)

位於永光中心嘅呢間餐廳以灰色為主調，燈光昏暗有情調，感覺非常適合約會。餐廳啱啱換咗新餐牌，食物選擇唔算多但勝在精緻，菜式嘅賣相富有心思，賞心悅目！𖦹 煙三文魚杏仁芝士卷將煙三文魚捲成玫瑰花， 賣相一流。濃郁嘅芝士味配上煙三文魚嘅油香，加上面頭嘅魚籽，口感豐富。𖦹 吉列牛肉薯餅 $68 炸得香脆而不油膩，一咬落去係軟綿綿嘅薯蓉，可惜牛肉味就唔太突出，好彩點埋蜜糖芥茉醬依然滋味。𖦹 日式青芥末威靈頓三文魚 $418 (set) 威靈頓三文魚烤得恰到好處，肉質juicy，外皮香脆酥化，不過日式青芥末存在感不高。𖦹 日式海膽忌廉帆立貝意粉 $198海膽鮮甜濃郁，極為creamy；意粉超掛汁亦係al dante，口感令人滿意；帆立貝有三大隻，新鮮彈牙，足料。𖦹 烤虎蝦配蝦膏忌廉意粉 ＄218虎蝦大隻彈牙，蝦膏香濃，每條意粉都沾滿醬汁，大滿足。𖦹 紐約芝士蛋糕 芝士蛋糕口感輕盈，伴碟微酸嘅cream cheese醬，非常特別。