梅之味 (麗都大廈) (已結業)

今日約咗朋友去灣仔食飯，行到杜蘭街街，見到有間叫梅之味嘅台式餐廳，上網又見到好評如潮，就諗住試試。未入門口，店員就叫我地揀定先，揀好先帶我哋入座，好符合香港人高效率既節奏。我叫左個雞扒擔擔面同埋一杯綠茶，朋友就叫左個肉燥滷蛋乾麵。過咗冇耐，啲嘢食就已經送咗過黎。我一開始試左個麵先，我食落口第一啖又經覺得好入味，湯好濃郁，忍唔住飲左幾啖。啲雞扒炸到外脆內軟，恰到好處，配合甜酸醬食亦好好味。七十蚊左右一位，可以接受。