影片
见OpenRice 做紧优惠$28一份炸鸡粒， 算系几抵，所以就买嚟食下， 点知又系中伏。豆乳炸鸡$28（特价）$28 而言呢个份量绝无欺场。但一望都知啲干到 一个点中间啲鸡肉未至于干到柴，但肉汁无， 嫩滑更加无佢份油淋淋就感觉，越食越油越腻粉感粉味极重若隐若现有啲豆乳味？ 我都分唔清。整体都系好干，仲食到有啲鸡肉有雪味，虽然比例唔高，但本身已经唔好食，再加上呢个缺点再扣分，好彩以$28 特价试食，难怪平时lunch hour 经过都唔系客满。 好处系佢都系即叫即炸，用App 点行过去拎，都等左５分钟左右。
继续阅读
湾仔做嘢经开，有间台湾小店「梅之味」，主打台湾菜，睇左餐牌，唔算平但嚟试试好唔好食餐牌有不少选择：肉燥卤蛋便当、红烧牛肉面、珍珠奶茶🧋（都系台湾常见的食物）生酮低碳便当🍱$88（加鸡扒）CP值：⭐️⭐️⭐️⭐️（3.5/5）烧汁鸡扒，滑嫰嘅鸡扒不错吃。下面系椰菜花饭🥦米饭松软，加埋椰菜花的脆嫩口感，食落几有层次感，不过就没乜味，要捞埋鸡扒啲酱汁。份量适中，都系一个健康之选整体嚟讲系ok嘅，如果平少少或者送嘢饮会更好😝
继续阅读
一个人到湾仔食lunch，屋企人话呢间野味道唔错都算抵食，所以决定嚟试吓，但整体嘅体验真系好差。我系一个人，平日1点钟到嘅，当时现场都算多空位，但店员都系要安排我坐喺一个超尴尬嘅位置，而且店内面积本来就唔大，点解系都要安排我一个人坐喺果个位置（图下单人枱嘅另一半位置）？之后我向店员要求调去一张单丁嘅空枱，佢哋坚持就算坐果啲枱都要同人夹枱，过左2分钟都有一个女仔自己一个人入左店舖，但店员就安排咗我本身要求嘅果张枱比佢自己一个人坐，所以请问系歧视定系点呢？明白繁忙时间要搭枱坐，但当时店内空位极多，完全唔明白店员点解要咁样安排，非常之不愉快。（当时店内环境，都有比我后入嚟嘅一个人喺可以自己一个人坐）食物方面系真系唔错👍🏻，但真心建议一个人就唔好喺繁忙时间嚟啦!
继续阅读
本身餐牌有既选择唔多，但佢下午茶有85折，就入左去试试。叫左个古早味肉燥卤蛋便当同红糖桂圆茶，一共66蚊，系湾仔区黎讲算系咁啦～肉燥饭系几好食，份量都大，但最惊喜系去个嘢饮，暖笠笠既桂圆茶真心唔错！
继续阅读
黎间餐厅位处于湾仔兰杜街， 位置相当隐蔽，因为喺内街入面。见门面都几光猛，同埋好耐冇食台湾菜，就同朋友入去试下。我地入座既时间系星期日7：30，有几枱客坐系度，店员有两个，应该一个系员工，另一个收钱既应该系老板。我地最后选佐纯4人卡位黎坐。坐位都算几阔落，两个人坐绝对绰绰有余。再讲下食物质素。我地叫佐一个2人set，有两个饭，3个𩠌，两杯野饮。(1) 花枝丸 花枝丸用佐好多鱿鱼，差唔多啖啖都系鱿鱼黎。食得出用佐回椒粉去掩，回椒味配上充满咬牙既鱿鱼好和味。(2)三杯鸡 鸡最紧要林身，呢个三杯鸡既鸡既肉质嫩滑，唔会煮得硬，值得一赞！ 唯一可以改善既就系好多姜，有时候以为系鸡点知系姜黎。不过啲姜放入口都唔难食。😂(3) 蒜蓉时蔬椰菜要炒得好食同系咁容易，佢地用佐好多油去炒，入口时淡淡油香，令平平无奇既椰菜升华。唔介意多油既先好叫呀！ (4) 柚子蜜同出面餐厅既柚子蜜一样咁好饮，饮到最后，连柚子肉都食埋。最后埋单 248蚊，每人都系124蚊，都算抵食！
继续阅读