一汁一菜 (中環街市) (已結業)

今日lunch time同事帶我去中環街市買外賣，佢話之前食過有間和風輕食料理幾好食，見佢咁誠意推介，點可以吾試下。套餐分別有$69同$79，可任選一款湯+一款一品料理+日本米飯，見佢d食物種類都多元化，仲會配搭蔬菜，可以均衡飲食，又幾好喎！一汁一菜和牛羅宋湯見到和牛兩個字真係好吸引，和牛大大件，肉質軟腍入味，除和牛外，仲有用洋蔥、西芹同甘筍熬製，湯頭味道酸酸甜甜，夠曬醒胃。北海道產甜粟雞肉豆乳濃湯濃頭好creamy，味道清甜，有齊粟米粒、西蘭花同雞肉，材料十足！蕃茄菠菜芝士雞肉卷 雞肉捲住芝士同菠菜，再用牛油加蒜蓉煎至金黃，雞肉卷質感嫩滑，配上濃稠既番茄汁，酸甜開胃。五彩野菜濃豆腐伴涼伴小菜有菠菜、蘿蔔絲、菇、腐皮同蒟蒻，有陣陣麻油既香味，清清地適合素食既朋友。野菜沙律杯日本米飯可以轉石窯麵包或野菜沙律杯，我地想食少d 澱粉質，所以簡左野菜沙律杯，野菜包括蕃茄、生菜、紅蘿蔔、紫甘藍、青瓜同奇異果，配美味醬汁，野菜十分新鮮，高纖健康。