Y Pasta (已搬遷) 新店位置

去開銅鑼灣，揀咗依間食意粉同埋食薄餅。覺得佢午餐性價比幾高，介紹俾大家。餐廳有好多選擇，雖然有一啲要加錢，我有加到錢叫龍蝦湯同埋黑松露蘑菇湯，每個湯都係加$10 ，覺得幾正㗎，龍蝦湯好香龍蝦鮮味，雖然應該都係用粉溝成嘅湯，但係絕對質素唔差嘅。裏面仲有一啲下做送，所以覺得幾好飲。而黑松露蘑菇湯就好香黑松露味，食到蘑菇打成嘅水，所以湯俾我都幾有驚喜。主菜就揀咗柚子胡椒雞肉意粉同埋肉腸薄餅。我覺得個意粉都係有喜出望外嘅感覺，因為佢嘅柚子味好香，胡椒味雖然有啲濃，但係佢本身都係話辣嘅，所以食得辣嘅朋友都可以試吓佢。以雞肉越多份量好多，最後我都食唔晒。肉腸薄餅就中規中矩，好大份，以咁樣嘅價錢我覺得係超級值得。甜品就加咗$25食咗佢自製嘅朱古力蛋糕，佢層層分明，朱古力味好濃，食到好飽最後就好滿足咁走了。