NOBU InterContinental Hong Kong (已結業)

終於有機會去試Nobu啦,雖然只係食lunch,但食物嘅質數絕對冇領人失望。我要咗個signature Bento Lunch box,一個lunch box有5款菜式: 半生熟吞拿魚沙律,6件sushi,炸蝦(並唔係tempura喎),銀雪魚,燒雜菜加飯。$288絕對抵食。最出色係醬汁,好Nobu。除咗set lunch,仲好貪心咁食埋甜品,試咗朱古力軟心旦糕同Iced Cappucino。朱古力軟心旦糕勝在唔太甜。Iced Cappucino簡直一絕,個mousse有三層,最底係mousse,中間有D crunchy,最頂層係有輕微酒味嘅foam,有texture,有口感,仲有好香嘅咖啡味,掂! 不過要提一提佢哋嘅裝修,比我想像中差好遠。唔hip, 唔chic仍唔grand,除咗天花板有小小design外,同一間普通日式餐廳實在冇乜分別。好在叫有個無敵海景搭夠囉。