Hans Bar and Restaurant

营业中

休息中

呢排忙到一個點，好彩有朋友喺尖沙咀附近，即興約咗摸下酒杯底吹下水。 呢條街充滿咗唔同類型嘅食肆，要喺呢度立足的確唔容易。 臨近萬聖節，見到酒吧都佈置好有濃厚嘅節日氣氛。我哋畀呢度既工業風又簡約嘅環境吸引咗。因為佈置左嘅關係，成晚啲相影出嚟都偏紅色。呢度除咗menu以外嘅酒，最特別嘅係仲可以有自己tailor-make嘅cocktail，只要你同bartender講你自己嘅perference就可以。如果你冇特別嘅喜好都可以請bartender嚟為你介紹下，真係貼心又friendly，最後我哋就揀咗兩款singature cocktail嚟試下 出嚟嘅效果同描述好一致，杯紅豆令我好驚喜充滿咗日式嘅味道。下次的話好想試埋杯蛋撻。Left：Banana head, right：Wagoshi而小食方面，種類唔算好多，但款款都好啱下酒，有肉有芝士有海鮮，我哋就好貪心咁叫咗5款，分別有燒雞泡魚乾、蒜蓉花椒凍蝦仁、泡菜鴨肝多士、單骨雞翼拼一口芝士 同柚子蟹肉沙律。邊傾計邊食邊飲，唔經唔覺就飲飽食醉，小食份量比想像中多，又有得揀自己鍾意口味嘅cocktail，下次可以再嚟。