坐忘 (已搬遷) 新店位置

平時一到lunch time就好多人排隊，幾多OL，原來呢間野好綠色主義架，大部分菜式都係多菜少肉，適合lunch想食多d菜嘅女仕😎烤雞沙律胡麻汁撈烏冬（$69），個sauce有d wasabi味，超多菜，多到嚇親人😂呢個係黑椒燒汁牛肋井（$53），牛肋生熟程度剛剛好，好多飯好多菜墊底，每一舊都痴滿黑椒👍🏻👍🏻炸雞野菜咖哩飯（$65），有3-4舊炸雞，個炸皮好薄，唔會用好多炸粉，今次配翠玉瓜同薯仔條😋牛肋什菇咖哩飯（$60）係朕至愛😍十分多汁，7-8粒牛肋同好多唔同嘅菇同荷蘭豆，個汁多到可以淨撈飯都夠，我呢個係少飯版☝🏻️唔夠食可以另加糖心蛋牙溫泉蛋牙咁😋飲品唔太吸引，見到全場好少人飲。呢度d staff個個著唔同款式嘅格仔衫，大家都好有禮貌架。