Le Viet

餐厅：Le Viet地点：尖沙咀The ONE 菜式：越南菜餐牌：午市套餐十款主食选一，价钱由$69至$96不等，可选捞檬，炒檬，汤粉同饭。跟餐有柠茶/奶茶/咖啡，冻咖啡加$5，特饮加$8。主餐牌有招牌菜，沙律，米纸卷，越式汤锅，海鲜，烧烤串烧，小食，咖喱，蔬菜，河粉捞檬，粉面饭，甜品，饮品。另加一。香茅烧猪颈肉捞檬 $76 另加一香茅烧猪颈肉捞檬有七片烧猪颈肉，烧得㶶边，食落爽脆，不过唔会太肥，味道质感都唔错。下底系檬粉加杂菜沙律。檬粉幼身滑溜。生菜，芽菜，萝卜丝同青瓜丝都爽脆。洒上脆脆同葱花。鱼露另上，酸酸甜甜，蒜蓉好多，非常醒胃。梛汁红豆冰 跟餐+$8 另加一梛汁红豆冰下底有好多红豆，梛奶好香滑不过唔过甜，系一个好好既甜品。虾饼 $83 另加一虾饼一客4件圆咕碌，炸得外脆内弹牙，味道唔错，伴有甜酸汁可解腻。垫有梛菜丝。香芒糯米饭 $66 另加一糯米饭一紫一白各一，暖暖地上枱，食落烟烟韧韧，我特别钟意紫米，因为真系特别有咬口。糯米饭面头淋上丰富既香滑椰浆，食落又香又有咬口！外围新鲜芒果两排，酸酸地可以中和甜味。芒果+糯米饭+椰浆一齐食，有多重味觉享受，有酸甜清爽+滑溜烟韧，正！