影片
更多
2014-08-31
1065 浏览
星期六早起挑戰Jamie Italian, 點知hea得滯12:15pm先到銅鑼灣, 登記後發現要等成個鐘! 見未食早餐又想搵個地方hea下, 正好試試Times Square的Laduree Tea Room。Hea太至愛Laduree馬卡龍, 得閒都會外賣返屋企慢慢嘆, 堂食又真係第一次喎!估唔到週末成12點半仲set緊場, 响門口望左兩下, 經理就主動問有咩需要, 仲禮貎咁問我地鍾意窗口位定梳化位添! 窗口位可眺望One Piece烈陽號全景, err...話晒法式餅房, Hea太梗係揀優雅的梳化位。最正係週末大家未訓醒, 全間餐廳得我地包場, 感覺認真良好!趁未有其他客人, 快手影返幾張餐廳全景相先。梳化同佈置全部以粉綠色設計, 好有法式情調。餐廳地方雖然不大, 但枱同枱之間空間感尚算充足, 反觀精緻的小餐枱, 放2人份食物同飲品就略嫌擠迫喇。剛坐定, 店員禮貎遞上同系列餐牌, 一邊介紹最新口味馬卡龍。馬卡龍Menu特別用金相框裱起, 感覺好鈐貴。望住七彩馬卡龍, 選擇困難症即時發作, 左諗右諗先至落到單。 因仲要留肚食晏, 今次輕食2款馬卡龍, Hea太最愛的不敗經典Rose
估唔到週末成12點半仲set緊場, 响門口望左兩下, 經理就主動問有咩需要, 仲禮貎咁問我地鍾意窗口位定梳化位添! 窗口位可眺望One Piece烈陽號全景, err...話晒法式餅房, Hea太梗係揀優雅的梳化位。最正係週末大家未訓醒, 全間餐廳得我地包場, 感覺認真良好!
趁未有其他客人, 快手影返幾張餐廳全景相先。梳化同佈置全部以粉綠色設計, 好有法式情調。餐廳地方雖然不大, 但枱同枱之間空間感尚算充足, 反觀精緻的小餐枱, 放2人份食物同飲品就略嫌擠迫喇。
剛坐定, 店員禮貎遞上同系列餐牌, 一邊介紹最新口味馬卡龍。馬卡龍Menu特別用金相框裱起, 感覺好鈐貴。望住七彩馬卡龍, 選擇困難症即時發作, 左諗右諗先至落到單。
因仲要留肚食晏, 今次輕食2款馬卡龍, Hea太最愛的不敗經典Rose Petal Macaron, 同清新的Orange Blossom Macaron, 外加一件Pastatio Financier。飲品方面, 老公心水係Iced Hazelnut Latte, Hea太就想試下Iced Mocha Frappe。
先嘆至愛的Rose Petal Macaron, 入口淡淡的攻瑰香, 馬卡龍保持一貫水準, 外脆內軟配玫瑰奶油夾心, 絶對係我心水之選。Orange Blossom Macaron, 入口清新唔膩, 有另一種淡淡花香, 好味! 個人偏愛清新的花香系列, 之前試過其他濃味系列-甘納巧克力, 焦糖或朱古力味, 反而覺得太甜有點膩。
Laduree Macaron就試得多, 其他蛋糕都未試過, 剛好見到餐牌有Pistatio Financier, 心郁郁想試下。有別於傳統的方磚型, 呢款是樹葉型, 入口有粒粒開心果仁碎, 味道不錯但未算突出, 相比下沒有招牌馬卡龍般出色。
食完甜點, 梗要嘆杯咖啡, Iced Mocha Frappe 朱古力同咖啡味尚算平均, 味道中規中距, 論價錢質素都同一般連鎖咖啡店差不多, Laduree Tea Room全靠環境服務取勝。
Iced Hazelnut Latte 榛子糖漿同奶分別裝在小銀器內, 可按自己喜好調較口味, 感覺良好。味道同樣中規中距, 符合預期但未算驚喜。
今時今日, 銅鑼灣難得搵到舒適的cafe, 環境服務好, 甜品又好味, 不知不覺就hea左成個鐘, 嘆完好滿足, 下次經過想再試試其他macarons口味同玫瑰蛋糕。
张贴
