影片
更多
2017-12-08
14971 浏览
今次約左班舊同事食飯，揀左好耐餐廳見到個勁長沙律幾好食就決定揀呢間，走入去工業風餐廳，坐正窗邊望住繁榮既尖沙咀食飯有一番風味。餐廳走工業風，用上啡色木系既設計，地方都好大，坐埋一齊都唔會好覺迫，我地安排左坐窗邊位，有大大個窗望住外面食飯。裝飾都好有心思，用左左唔同既小擺設，牆上既燈用左水管既設計，餐具都用上左古式鐵器既感覺，好似走入左工業地方一樣。幾個人一叫就叫左幾樣一早揀好想食既野，擺到成張枱都係，真係超豐富同埋好多色彩，見到都已經覺得肚餓喇。叫個沙律《Snowboard》($158)，燒蝦夾埋辣辣地腸食勁惹味，個醬係重點好惹味，真係要撈埋一齊食超級好味，仲有蛋喇沙律菜喇蘋果片喇三文魚籽勁多料。《Garlicky Truffled Fries》($58)，熱辣辣薯條，用左幼身薯條，成碟都滿哂上面再放左cream cheese，點上松露醬或者蓄茄醬，灑上黑椒同芝士碎勁满足。超受歡迎既《Elote》($58)，有三大舊，甜甜既牛油粟米焗到超香，再加上芝士碎舖面，甜味之外再有芝士既咸香味。主菜叫左個《Carbonara Pie》($158)，反而呢個有少少失望，見到濃濃芝士面焗香脆，但係略
今次約左班舊同事食飯，揀左好耐餐廳見到個勁長沙律幾好食就決定揀呢間，走入去工業風餐廳，坐正窗邊望住繁榮既尖沙咀食飯有一番風味。
餐廳走工業風，用上啡色木系既設計，地方都好大，坐埋一齊都唔會好覺迫，我地安排左坐窗邊位，有大大個窗望住外面食飯。
裝飾都好有心思，用左左唔同既小擺設，牆上既燈用左水管既設計，餐具都用上左古式鐵器既感覺，好似走入左工業地方一樣。
幾個人一叫就叫左幾樣一早揀好想食既野，擺到成張枱都係，真係超豐富同埋好多色彩，見到都已經覺得肚餓喇。
叫個沙律《Snowboard》($158)，燒蝦夾埋辣辣地腸食勁惹味，個醬係重點好惹味，真係要撈埋一齊食超級好味，仲有蛋喇沙律菜喇蘋果片喇三文魚籽勁多料。
《Garlicky Truffled Fries》($58)，熱辣辣薯條，用左幼身薯條，成碟都滿哂上面再放左cream cheese，點上松露醬或者蓄茄醬，灑上黑椒同芝士碎勁满足。
超受歡迎既《Elote》($58)，有三大舊，甜甜既牛油粟米焗到超香，再加上芝士碎舖面，甜味之外再有芝士既咸香味。
主菜叫左個《Carbonara Pie》($158)，反而呢個有少少失望，見到濃濃芝士面焗香脆，但係略嫌入面太乾身無咩奶油。
店名：R&B Research Bakery
地址：尖沙咀彌敦道172-174號太平洋大廈3樓
餐牌:
张贴
