Cadero Grill and Oyster Bar (已結業)

太座張AE card又寄嚟餐飲offer。一看，大部份都屬King Parrot Group旗下嘅餐廳。不感興趣，皆因以前食過幾間，水準只是普通(除咗King Ludwig Beerhall叫做食得吓之外)。但50% off嘅dinner set實在吸引，於是揸住份pamphlet左揀又揀之下，選擇咗呢度...環境黑漆漆，典型半高級西餐格局，仲有oyster bar响門口添...望吓個優惠set，四隻蠔、二款starter、兩個湯、兩個main dishes再加dessert及drinks，折咗後要六百大洋，都算幾抵...當晚嘅oyster special係franklin harbour。中價蠔種，有海水味，不過偏鹹，唔係小弟杯茶；starter水準OK --- 西班牙風乾火腿配露筍及火箭菜，火腿鹹度適中，配合微苦嘅火箭菜及爽脆嘅露筍，不俗，不過自己都係覺得火腿跟melon先係絕配；炸大蝦柚子沙律，蝦並算大隻，只可稱之為中蝦。脆漿不厚，味剛好，配合微苦嘅柚子肉及新鮮蔬菜，口感幾清新；mushroom soup水準亦可接受，不過如果可以再濃再杰D會更佳；太座嘅主菜係三文魚配茄子香草醬。