茶木‧台式休閒餐廳 (已結業)

三五朋友都異口同聲話要食茶木，因為大家食過都覺得OK！出品唔錯，價錢合理，而且配搭都幾特別！但係就成日要排好長龍，可以揀閒日去試。排完隊入去已經覺得超級肚餓，我就揀咗個希臘乳酪英國保濕豬扒燉黎麥飯。保濕豬扒個名好吸引就試一試！豬扒有厚度，口感唔錯，唔靭亦都唔乾！黎麥飯應該撈左一啲芝士因為比較creamy，出奇地同黎麥飯好夾，好香唔錯！我自己就麻麻哋希臘乳酪但係配個豬扒食又好似幾特別喎！其他朋友反應都好好。