茶木‧台式休閒餐廳 (已結業)

我每星期去有2-3次左右,食早餐本來沒有什麼特別，都係果d野，雞蛋，米粉麵，但食野果半個鐘不停播一隻歌已經討厭都不得了，第二日去又係同一隻，每次去都係咁問職員佢話公司一定要播，真係有病重病得好嚴重吖，咁樣落去肯定執笠

TKO Popcorn 店唔夠人就請人啦，叫杯野飲三催四請，33分鐘先黎，有無搞錯。得一個人做水吧又收銀，催幾次都唔黎，漏單又唔認，咁點做生意呀！食到一肚氣，D野幾好食都無用啦！

茶木📍 將軍澳坑口重華路8號東港城1樓187A&187B號舖宜家佢個土司盒✨做緊8周年👍🏻✨優惠$58 再加一食到啦✔️😋好抵食～ 今次叫左兩款口味分別係芒果🥭香草🌿蜜糖🍯磚塊🧱草莓🍓香草✨蜜糖🍯磚塊🧱吐司盒🙆🏻‍♀️由三塊厚多士組成既芒果味🥭就係跟芒果雪糕🍦同芒果肉🥭😍🍓士多啤梨味就跟🍓雪糕同果肉吐司面上有忌廉同埋啲棉花糖😋食完勁飽😂🙆🏻‍♀️🍰👍🏻👍🏻

飲料不乾淨 換了一次還是有茶漬 又換了一次味道是還可以的 但是服務員從頭至尾連道歉都沒有，也沒有任何的賠償和表示，本來可以理解的，但是處理方式讓人很惱火。水果很甜，但是下面的菜是爛的，這是兒童套餐，就給兒童吃爛菜葉？

星期一至五，2:30pm後有下午茶時段！平日下午茶時段都多人，不過就晤洗等位，有鹹點有甜點供應，當然甜點花樣比較吸引！今次選擇左個心太軟配雪糕，仲有三粒士多啤梨同一啲Oreo餅碎，成件事就係好好味，而加一後都只係$50包飲品，值回票價！

餐廳好大間，好多枱，設計幾靚，但係比較難搵到侍應。台式莎朗肉操飯牛肉嘅做法比較特別，口感幾好，煎得好香口，唔韌，容易切開，幾入味，冇雪藏味，唔會好鹹。滷肉飯份量適中，滷肉嘅份量可以再多啲，用咗比較瘦嘅豬肉整，鹹度適中。糖心蛋一流，好入味，流心感覺剛剛好，值得推介。個配菜都好開胃酸酸甜甜。叫咗個拿破崙蛋糕做甜品，上枱嘅時候賣相好靚，蛋糕夾層唔會好林，仲好鬆脆，配上芒果汁同吉士醬，融合得好好，口感層次豐富，水果清甜。

茶木好多間分店，梗有一間係左近，對於珍珠奶茶控嘅我，呢間茶木簡直係我飯堂星期六日好多人，要等位，加埋限聚令，仲難等位，平日就少人好多晚餐同午餐有啲不同，我都係第一次叫晚餐，有鳳梨酥做甜品，鳳梨酥叫先起（廚房叮返熱，如果食唔晒，可跟職員講聲，唔打開包裝，俾你拎走，一個餐有2件，去唔到台灣，係度食2件，過下口癮都好）估唔到砌一個T字，食落口暖笠笠，啖啖菠蘿肉，好香好重鳳梨味P.S.兒童餐好吸引小朋友，除左個餐盤，仲有顏色筆和畫紙，我仔次次來親都叫呢個，不過有時會等耐少少，個麵有時一大注咁，要大人幫手整鬆幾下，小朋友先食到，希望餐廳有改善

今次我要強烈推介呢間茶木餐廳嘅早餐！佢嘅早餐平均價約$30 一$44，當中包括了免費豆漿、橙汁和熱飲，最超值嘅地方係加$3可以升級至黑糖薑母茶和台式珍珠奶茶。大家都知一杯珍珠奶茶都要$20起，所以叫一杯珍珠奶茶已經抵番哂！早晨供應時間係8am一11am，所以湊完仔女返學或者買完餸，去食個early lunch ，簡直一流！早晨時間人流唔算多，唔需要等位！而且上菜速度算快，食物環境整齊乾淨，比起茶餐廳嘅級數，絕對係性價比高！

💛原隻鹽酥雞翼拼蚵仔麵線或福州魚丸肉條紫菜湯$53原隻雞翼，大大隻，而且外層炸到金黃色，口感好脆卜卜，但係肉質又唔會好鞋，真係食完返尋味，所以今次再嚟食❤️❤️今次揀咗蚵仔麵線，口感彈牙，整體都唔錯！💛鐵板麵包布丁🍮保持一貫水準，熱辣辣超級好食呀💕在加上布丁真係不得了💕每一次黎食，都係要加一個麵包布丁🍮呢個真心推介💕好食到令到我念念不忘🥲🥺上只係個人食評/玩樂感受💕不代表他人感受💕🏡店舖：茶木‧台式休閒餐廳(將軍澳)📍地址：將軍澳坑口重華路8號東港城1樓187A號舖🍚類型：台灣/甜品/糖水☎️電話：2606 0179味道：🌟🌟🌟🌟驚喜：🌟🌟🌟回購：🌟🌟🌟🌟服務：🌟🌟🌟環境：🌟🌟🌟

平常幫襯茶木都喺午餐或晚餐，估唔到佢哋連早餐都有台式風味，一於試下。雖然唔使停位，但內裡都都差不多滿座 早餐分為4類，共10款可供選擇。1. A 精選早餐( 台式肉燥米粉拼炒蛋連熱飲($30)，肉燥味濃，但份糧略為較少，而米粉如可以轉為更幼細的新竹米粉會更佳。炒蛋夠滑，有蛋香味2. C 醒神系列 (沙茶牛肉湯生力麵配刈包，火腿、餐肉、腸仔、煎蛋可4選2，配熱飲)($40)。沙茶牛肉味濃，肉質夠腍，但份糧同樣較少，另外原湯底較為清淡。煎蛋、腸仔同刈包都無特別。整體來講，店內環境舒適，早餐價錢實惠，A餐只需$30 確係抵食之選

茶木嘅蜜糖吐司真係最好食既，沒有之一！由好耐之前茶木喺旺角開第一間嘅時候，已經開始食佢嘅蜜糖吐司，嗰陣已經覺得哩個蜜糖吐司真係好好食😋之後其實係唔同嘅餐廳都有試過同款食物，但係個質素真係比唔上茶木，同埋最難得嘅係佢到而家仍然能夠維持到個質素！🎈朱古力蜜糖吐司最欣賞佢嘅地方就係佢真係塗左好多蜜糖，吐司裏面嘅每一粒麵包粒都係比蜜糖包裹住，出面好多餐廳嘅蜜糖吐司都做唔到呢一點。而且佢嘅cream同埋朱古力醬都好多，食完會好滿足😋其實呢兩張相已經係隔咗兩年時間，但都好明顯睇得出佢嘅質素真係一直維持住👍🏻

同同事入左黎將軍澳呢邊做野，又到午飯時間，佢話好耐冇食台灣菜，即刻諗起茶木，佢個甜品磚塊最出色，不過今次就冇叫，叫左2️⃣客午市套餐，價錢都幾抵食。由於鋪頭唔多人，即時可以安排入座，落單及出餐都很快手，坐得舒服。🔻紅蔥醬燒豬軟骨麵午市套餐係包埋飲品，呢個餐旁邊寫住（new) ，又係我鐘意食既豬軟骨，埂係要食啦，湯底濃味，豬軟骨亦好軟腍入味，麵都好煙韌，係我鐘意既口感。🔻香煎莎郎肉燥飯牛肉有咬口，煎得都幾香口，肉燥同溏心蛋配白飯一流

因為疫情關係, 好多食肆本著香港人靈活多變精神呢間台式連所店推出早餐假日,唔使急趕返工,打算慢慢嘆個早餐先經過商場見到茶木早開兼有早餐食一於入內試下, 我們分別選左台式肉燥米粉拼炒蛋炒蛋香滑，配個細碗肉燥米粉，湯底唔會太鹹，米粉幼滑。炒蛋沙律肉鬆刈包，刈包內有青瓜絲和肉鬆餡料。早餐可以揀豆漿,橙汁,咖啡或茶，我揀咗即磨咖啡，杯碟旁還有兩小塊曲奇，值得加分早餐份量唔算多，啱一早起身胃口唔大嘅朋友仔，當然還有其他麵食種類滿足唔同需求嘅食客。

一直都有留意茶木，覺得呢間嘢經常都有保持進步，菜單多了好多嘢食，間唔中都會黎茶木食嘢。閒日來吃個午餐，全部都煮得好好食，幫襯過好多間茶木水準差不多，沒有一間會太難食。加上午餐餐牌配埋飲品，而食物上枱是熱熱的就最喜愛了，值得我再來吧。除了食物水準保持到，餐廳環境我都非常重視，基本上茶木裝飾佈置又真的不錯，雖然沒有很台灣的感覺，但就坐得非常舒服吧，都合適和朋友坐下來吃飯外，還可以傾計，重點都是沒有陽時的趕住走的心情吧

午餐去食 唔洗等位！酥炸雞扒麵，雞扒炸得勁香口，好好食，而且仲有好多件。個麵夠曬彈牙，湯底好濃，麵量可以再多返小小就好啦！紅燒牛肉麵，牛肉好淋好好味！不過其實我最鐘意係舊白蘿蔔，因為本身又甜，又吸左d湯～超正第一次飲紅豆薏米水，原來有d薑味既！不過撈埋一齊都幾好飲！如果唔鐘意薑既朋友就記得唔好叫啦！因為3月份生日，所以有依個芒果香草蜜糖磚送！用黎打卡呃like正，不過除左睇得之外，其實都堅好食！塊包好脆，點埋雪糕同配埋生果一齊食真係不得了，超鐘意😍