影片
更多
2016-07-31
1134 浏览
一早book左17:30，因為19:30前埋單，第二位可以半價埋單！計返都只係160蚊位，已計埋加一，超值！一入去例牌刺身行先，第一輪會畀張快單你，畫完即到唔使等，寫幾多畀幾多！不過佢無畀甜蝦，可能睇漏啦，再補單都過左十分鐘先到！呢度甜蝦雖然係要自己動手剝殼，但佢體積的確比其他已剝殼嘅放題大隻！讚！比較貴嘅油甘魚都唔孤寒，大大片，三文有魚味！可惜吞拿魚都係無味！大板燒真係幾好食，仲有個唔記得乜絲炸蝦，都真係幾特別，幾好食！羊架太油，過左火，唔好食！天婦羅粉唔厚，可惜黎到唔夠熱！壽司好食，飯唔會太大粒食飽你，大細適中！最鍾意佢黑松油甘壽司同鰻魚壽司，大塊唔小氣！可能因為做緊團購，所以咁早都已經超多人，比上一次都係咁早，侍應得閒到玩手指有強烈對比！人手不足，服務有所下降，但食物都係keep到！可能去完九龍灣得寶食完地獄放題，所以再食呢間就覺得進入左仙景，兩個計仲比地獄放題平左成百蚊，的確抵食，呢間大喜家一定會再黎！
一入去例牌刺身行先，第一輪會畀張快單你，
畫完即到唔使等，寫幾多畀幾多！不過佢無畀甜蝦，可能睇漏啦，再補單都過左十分鐘先到！
呢度甜蝦雖然係要自己動手剝殼，但佢體積的確比其他已剝殼嘅放題大隻！讚！
比較貴嘅油甘魚都唔孤寒，大大片，三文有魚味！
可惜吞拿魚都係無味！
大板燒真係幾好食，仲有個唔記得乜絲炸蝦，都真係幾特別，幾好食！
羊架太油，過左火，唔好食！
天婦羅粉唔厚，可惜黎到唔夠熱！
壽司好食，飯唔會太大粒食飽你，大細適中！
最鍾意佢黑松油甘壽司同鰻魚壽司，大塊唔小氣！
可能因為做緊團購，所以咁早都已經超多人，比上一次都係咁早，侍應得閒到玩手指有強烈對比！
人手不足，服務有所下降，但食物都係keep到！
可能去完九龍灣得寶食完地獄放題，
所以再食呢間就覺得進入左仙景，
兩個計仲比地獄放題平左成百蚊，
的確抵食，呢間大喜家一定會再黎！
张贴