影片
相关文章
如果你星期一至五下午唔开就唔好话开12：00啦，去几次你都话未开门。第一次去就话有问题要迟到12：30先开门，第二次直头话星期一至五，下午系唔开。仲有啲态度唔得啰。
继续阅读
烧元贝食到硬野，东风螺有沙， 饭都有怪味， 海胆似鼻涕， 咖哩鸡似瘦肉， 蟹柳似鱼蛋， 冇叫嘅嘢就成枱都系， 最多就系啲淀粉质类嘅， 韩式炒蚬烚完之后用汁捞。 last order都唔提你 。要用雪糕填饱个肚…… 因为系雀巢出产……
继续阅读
朋友介绍午餐可以任食自助沙律就一起来了，沙律大约有三、四种选择，味道不错材料几新鲜。午餐的量大，一个定食对大胃我的来说都已经足够。可惜的是滑蛋鸡扒的鸡扒上菜时已经吸了不少汁软了没咬口。另外，店中的冷气真的好强好大风，我本身是怕热的人都给吹到发震。基本上，约hkd50吃这午餐都算不错了！最重要的是沙律可以自助任食，就算男士们胃口再大都可以填满肚子！朋友点了鳗鱼石头锅炒饭说几好吃，下次来就试试这炒饭吧！
继续阅读
人生食过最难食嘅放题，不可一不可再。三文鱼有怪味，牛肉锅得一旧牛肉（同杂菜煲一样）。野食种类少到飞起。第一次嗌完第一转野食，第二转完全唔知嗌咩好。 重点。273蚊一个人，系咪傻左？ 唔明间野点生存落去。
继续阅读
本身谂住上大锅口打边炉，点知满哂。见到呢间一至四做紧二人同行一人半价ge优惠，结果就决定试下。入门口之前都有睇过食评，感觉好多都好差，仲谂住今次中伏了，点知系勇者ge试炼场。一入门口都唔算好吸引，个reception颓颓地，d menu贴哂出黎，不过见识过旺角同尖沙咀…就觉得即时冇哂霸气。行到埋去个侍应问我地坐唔坐窗口位，我当然话好，但又觉得奇怪，好少有放题餐厅主动咁问。不过行到埋去窗口位又唔觉得有咩特别，而且因为够高，个景都唔错。一坐低侍应就介绍出面有自助沙律吧同雪柜自己拎。出去兜一转个吧，都系得好普通个d，即系有沙律菜呀，酱呀比你自己捞，又有整好左任夹，但就…冇咩特色，所以一样都冇试到。野饮都ok，有可乐，zero，韩国罐装龙井茶…最厉害我见到有一堆应该500ml ge波罗味芬达，饮完都应该饱左一半。佢d菜单唔算好多，差唔多十款左右，一般大围野寿司，军舰，小菜，天妇罗等等都有。所有选择都系平时一定会有个几款，所以都冇咩惊喜。但特别ge系，佢ge水准冇其他食评讲到咁差，如果系当佢普通一间日本野，同元气，板长个种级数都差唔多，唔会话特别好食，如果唔特别专挑大伏野，都唔算难食。之但系食食下，突然有个侍应走黎问有冇兴趣大闸蟹。如果唔系已经十二月，都唔介意试下，反正又唔使加钱。不过最后都冇叫到，大闸蟹d咁易中伏，都系唔好系呢d餐厅揾命博。食完之后，其实间餐厅都比到唔少惊喜。佢有得叫苦瓜炒蛋，系日本餐厅叫呢味就系奇怪d，不过如果有勇者想挑机，不妨叫埋面豉青瓜一齐食，唔系捞埋一齐食，因为个炒蛋本身冇咩味，但夹埋青瓜…上面个堆红面豉一齐食，又比佢吊到d味出黎，仲要有升华ge感觉。我条佬就话牛舌可以安歌十万次，因为佢劲厚切，又烧得唔错，可惜我系唔同牛湿吻，所以冇食到。佢个蚝仔粥唔知系咪落左大地鱼粉，本身质感就系厚身ge潮州粥，仲要加埋个面有一埋芫茜，直头就系打冷ge感觉。个炒金菇又会落劲多生熟蒜，所以好香好好食。最后两个人夹埋先三百，抵到烂。
继续阅读